“Programa Tribunál Movel kontinua la'o, programa ne'e, husi Ministériu Justisa nian ne'ebé koopera ho setór Justisa nian hanesan Juis no Defensór ne'ebé sei lidera husi Ministériu Justisa rasik. Tribunál Movel, kontinua la'o nafatin no importante tebes tanba ne'e sei hari'i tan iha Munisípiu Baukau, Suai-Covalima no Rejiaun Administrativu Espesiál Oekussi Ambeno (RAEOA)”, dehan Ministériu Justisa (MJ), Tiago Amaral Sarmento iha El-Legendario Lesidere, kinta (28/04).
Nune’e, agradese legislatura agora, tanba liuhusi Governu daulau konsege halo ona normas no lai reforma judisiál ninian.
Tanba lei importante mak organizasaun judisiáriu nian, ne'ebé Prezidente Repúblika (PR) promulga iha fulan-dezembru 2021 vigora ona no komplementar harmonia ho lei konsellu superior, estatutu judisiál nian ne'ebé públika ona.
Estatutu Ministériu Públiku ne'ebé aprova husi Parlamentu hein Prezidente Repúblika promulga no normas judisiáriu kuaze kompletu hotu ona liuliu organizasaun judisiáriu ne'ebé ezije atu hari’i tribunál Supremu Justisa.
Ministériu Justisa sei hari'i tan tribunál rekursus tolu no tribunál primeiru instánsia iha Munisípiu sira tuir ezijénsia lei organizasaun judisiáriu.
“Ita sei hari'i tan tribunál rekursus tolu no tribunál primeiru instánsia iha Munisípiu sira prepara mós ita -nia rekursus umanu liuhusi formasaun judisiáriu tanba ne'e, ita prepara hela timoroan kaer rasik ita-nia área judisiál juiz no Defensór”, afirma nia.
Dadaun ne'e, Timor-Leste iha nia rekursus setór Justisa ninian no juiz la sufisiente prokuradór, Defensór maske nune'e konsege ultrapassa ona situasaun difísil.
“Ita sei halo kompleta liután Tribunál Supreme Justisa tanba durante ita laiha tinan oin sei loke tan no lidera rasik husi timoroan”, hatete nia.
Tuir lei organizasaun judisiáriu sei loke tan tribunál rekursus no tribunál primeira instánsia, tanba durante ne'e Munisípiu Baukau, Covalima-Suai no Rejiaun Administrativu Espesiál Oekussi Ambeno (RAEOA) maibé sei iha Munisípiu seluk tuir ezijensia lei organizasaun judisiáriu.
Ba preparasaun rekursus umanu kontinua halo formasaun ba juiz sira, ne’ebé provizóriu juiz na'in-ruanulu, prokuradór na'in-ruanulu no defensór foun sira kontinua tuir formasaun iha Centru Formasaun Juridika judisiál iha Kaikoli. (*)