Login to your account

Username *
Password *
Remember Me

MJ Agradese Arendamentáriu iha Munisípiu Vikeké Kumpri Dever

Ministru Justisa (MJ), Tiago Amaral Sarmento hasai foto hamutuk ho ekipa funsionariu Miniteriu justisa iha Munis’ipiu Vikeké. Ministru Justisa (MJ), Tiago Amaral Sarmento hasai foto hamutuk ho ekipa funsionariu Miniteriu justisa iha Munis’ipiu Vikeké. Foto Suplay

Tempotimor (Dili)-Ministru Justisa (MJ), Tiago Amaral Sarmento, agradese arendamentáriu sira iha Munisípiu Vikeké kumpri dever hodi selu arendamentu.

Tuir informasaun ne’ebé www.tempotimor.com asesu iha pájina Gabinete Ministériu Justisa katak, Ministru Justisa, Tiago Amaral Sarmento ho komitiva halo vizita ba Diresaun Terras e Propriedades Munisípiu Vikeké, hodi haree besik servisu no observa kondisaun husi edifísiu nian.

Vizita ne’ebé Ministru Justisa halo ba servisu Terra e Propriedade no Kadastres Munisipiu Vikeké ho esperansa boot atu hato’o agradese ba funsionáriu sira tanba fó ezemplu di’ak ba kompaña nasionál no Internasionál sira iha Kapitál Nasaun.

“Ha’u mai iha ne’e la’ós mai ho mamuk, ha’u mai ho esperansa boot ha’u mai atu hato’o agradese ba imi tanba imi fó ezemplu uluk tiha ona, waimhra imi rona iha Dili ha’u haka’as mompaña internasionál no nasionál sira, atu selu arrendamentu, ha’u fó hanoin ba sira katak imi selu ou sai”, dehan Ministru Tiago, hafoin vizita DNTPSC Vikeké, foin lalais ne’e.

Maske seidauk simu despaisu husi Ministru Justisa rasik, maibé Servisu DNTPSC V’ikeké ne’ebé notisia ona arendatariu sira atubele selu no fo kontribuisaun reseita ba kofre estadu.

“Imi iha ne’e la’e, imi iha ne’e hahú notifika arrendatáriu sira iha munisípiu Vikeké, ne’ebé utiliza rai no propriedade estadu iha munisípiu ne’e atu kumpri sira-nia dever atu selu kontratu arrendamentum ne’enbé iha maske ha’u seidauk halo despaisu mai, no ne’e inisiativa di’ak bele kontribui hasa’e reseita ba kofre estadu, maske ninia pursentu ki’ik maibé di’ak, ha’u la sadar katak afinal DNTPSC Vikeké halo uluk tiha ona, ba esforsu tomak ida ne’e ha’u hato’o parabens no agradese tebes,” Ministru Tiago.

Ho ezemplu ne’ebé hatudu di’ak ba Diretór Nasionál sira no nu’udar ezemplu mós ba kompaña ka investór Nasionál no internasionál hirak ne’ebé la kumpri sira-nia dever ho di’ak hodi selu kontratu arrendamentu ba estadu.

“Oinsá mak sidadaun ki’ik sira ne’ebé loke kios no aluga kumpri dever selu rai ten ba estadu no sira selu fulafulan, maibé kompaña no investor nasionál no Internasionál sira la kumpri sira-nia dever la selu fali arrendamentu ba Estadu”, afirma nia.

Tanba ne’e, husu ba funsiunáriu sira DNTPC no Rejistu Notariadu atu kuidadu ekipamentu servisu hirak ne'ebé iha hodi bele utiliza ba servisu ho tempu ne’ebé naruk.

Iha ne’e, Ministru Justisa ho komitiva kontinua vizita ba iha Edifisiu Servisu Rejistu Notariadu Munisípiu Vikeké, hanesan vizita ofisial dahuluk ba munisípiu hafoin simu posse iha loron 22 fulan-marsu nu'udar Ministru Justisa hodi troka Ministru Justisa sesante, Manuel Cárceres da Costa. (*)

Rate this item
(0 votes)
Last modified on Thursday, 26 May 2022 20:13
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter