‘Ita identifika duni uzu patrimóniu Estadu iha atividade prosesu kampaña no partidária ninian, tantu nível munisípiu no nasionál inklui fatin sira ne'ebé reprezentante kandidatu sira partisipa iha komísiu politiku sira uza patrimóniu estadu ninian”, dehan Komisáriu KAK, Sergio da Costa Hornai, iha Salaun KAK, Farol, sesta (22/04).

Utilizasaun partimóniu estadu ba atividade grupu no privadu hanesan mós partidu nia, iha balun ne’ebé komesa julga ona no iha balun prosesu sei la’o nafatin.

“Hirak ne'e hotu balun iha ona julgamentu tanba sumáriu ne'ebé mak atende husi orgaun polísia babain no parte seluk ne'ebé komete iha krime natureza ba pekulatu ninian ne'e iha ona prosesu investigasaun nian hodi responsabiliza aktu uza patrimoniu estadu”, afirma nia.

Bainhira notísia krime ruma mosu konserteza tenke halo aviriguasaun hodi hetan ninia prosesu verasidade atu hatene informasaun ne'e los duni, iha duni infrasaun, intensaun no responsável purnivilijénsia ne'e kulpa sira-nia hakarak lori duni patrimóniu estadu ba atividade partidária nian.

Iha Ministériu lubuk no Kargu Xefia sira inklui vijilánsia sira ne'ebé mak komete iha ona prosesu investigasaun hodi hatene ajénsia ne'ebé mak responsável ba aktu sira ne'e, KAK atu admite patrimóniu estadu nian monu ba utilidade sira iha atividade partidária.

Maske nune’e relatóriu seidauk konklui tanba eleisaun segundu volta foin mak remata no tékniku sira prepara hela relatóriu hodi aprezenta ba públiku sir abele hatete servisu ne’ebé hala’o. (*)