Moras iha MS (parte 5), MS Interina Elia Implementa Desizaun husi Karta “Mate-klamar” KFP

Karta despacho ne'ebe hasai husi Rekursus Umanus MS hodi implementa Despacho Prezidente KFP nian Karta despacho ne'ebe hasai husi Rekursus Umanus MS hodi implementa Despacho Prezidente KFP nian Foto Tempotimor.com

Tempotimor (Dili)-Prezidente Komisaun Funsaun Públika (KFP) Faustino Cardoso Gomes deklara nunka haruka karta desizaun ba demisaun Diretór Nasionál Aprovizionamentu (DNA) Ministériu Saúde (MS) Agapito da Costa. Signifika katak desizaun ne’ebé Ministra Saúde interina  foti la ho baze legal.

Molok ne’e, tuir dadus ne’ebé Tempotimor.com asesu, iha karta desizaun ida ne’ebé asina husi Prezidente KFP Faustino iha 19 Novembru 2019, ho númeru 3434/2019/CFP, hodi hasai Diretór Nasionál Aprovizionamentu (DNA) Ministériu Saúde (MS), Agapito da Costa, no nomeia Alberto Martins Chan nu’udar DNA foun hahú husi 1 Dezembru 2019.

Lee mós: Moras iha MS (parte 1), Deskonfia Odiu no Piska-matan Entre MS Interina Elia ho Prezidente KFP

Maibé, Prezidente KFP Faustino Cardoso Gomes dehan, ofisialmente nia nunka haruka karta demisaun ba MS.

“Komisaun Funsaun Publika seidauk haruka despaisu ezonerasaun DNA MS ba Ministériu Saúde,” nia deklara.

Faustino afirma, KFP seidauk haruka karta exonerasaun ba MS tan ne’e estrutura antiga sei prevalese nafatin.

Prezidente KFP ne’e mós dehan katak, nia parte haruka ona karta ba Primeiru Ministru Taur Matan Ruak relasiona ho kazu refere.

Maibé, iha karta Diresaun Nasionál Rekursu Umanus MS ho númeru referensia 2148/MS/DNRH-DGP/DNA-DNALP/XI/2019, iha 25 Novembru 2019, hahú implementa desizaun KFP númeru 3434/2019/KFP.

Iha karta ne’e hakerek, “Bazeia ba karta husi Gabinete Vise Ministra ba Kuidadu Saúde Primaria i Ministra Saúde em Exercicio data 21 Novembru 2019 Refa : 832/GVMKSP/GVMKSP-DGSC-DGPS-DNRH/XI/2019 ho asuntu: Enkamiña kopia “Decisão no 3434/2019/CFP”, ho biban ida ne’e, Diresaun Nasionál Rekursu Umanu enkamiña Desizaun no 3434/2019/CFP ba Sr. Agapito da Costa no Sr. Alberto Martins Chan atu hatene no implementa desizaun refere.”

HARE MOS VIDEO HAND OVER SERBISU :https://youtu.be/69O6JbEsqLY

Ho karta ne’e, iha Segunda (02/12), eis DNA Agapito ofisialmente entrega relatoriu aprovizionamentu nian husi tinan 2016 to’o 30 Novembru 2019 ba Diretór foun, Alberto Martins Chan, liu husi serimonia simples ida.

Iha serimonia intrega poder ne’e, Agapito husu ba diretór foun atu asegura didi’ak dokumentus ne’ebé nia intrega hodi sai memoria instituisaun nian no bele sai referensia ba DNA foun atu utuliza.

Wainhira tempotimor.com koko konfirma ho Ministra Saude interina, Elia dos Santos Reis Amaral iha Parlamento Nasional (03/12) durante debat jeneralidade OJE 2020, maibe Ministra Saude interina rejeita atu tempotimor.com publika nia komentariu sira.

Rate this item
(0 votes)
Last modified on Thursday, 05 December 2019 12:33
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com