Moras Infeksaun Respiratóriu Kontinua Invade Ermera

Diretór Sentru Saúde, António de Deus Fátima, ne’ebé simu Xefe Estadu Francisco Guterres Lu Olo entrega dokumentus ruma ba PR wainhira vizita sentru maternidade no Internamentu iha Gleno, Kuarta (18/11) Diretór Sentru Saúde, António de Deus Fátima, ne’ebé simu Xefe Estadu Francisco Guterres Lu Olo entrega dokumentus ruma ba PR wainhira vizita sentru maternidade no Internamentu iha Gleno, Kuarta (18/11) Foto Midia PR

Tempotimor (Gleno)- Oras ne’e daudaun moras infeksaun respiratóriu (ispa) kontinua invade populasaun liuliu labarik sira iha munisipiu Ermera ho númeru aas tanba laiha atensaun másima husi inan-aman kona-ba saúde públika.

Ministra Saúde (MS) Odete Maria Freitas Belo hateten, dala barak, inan-aman sira la preokupa hodi tau matan ba saúde públika labarik sira nian, nune’e fó leet ba moras infeksaun respiratóriu hodi ataka labarik sira, no dala barak moras ne’e mosu tanba hahan ne’ebé la ijiene.

“Bazeia ba relatóriu ne’ebé mai husi diretór saúde munisípiu nian katak, moras ne’ebé númeru kontinua aas iha munisípiu Ermera mak Ispa, tanba ita-nia moris rasik depois liga mós ba diagnóstika no alerjia sira, udan inklui klima ne’ebé iha,” Odete hateten iha Esklla EBC 10 Abril 99 Gleno, Kuarta (18/11).

Nia salienta katak, labarik kiik-oan mak kona ispa barak liu, tanba ne’e ita la presiza anti biótiku maibé presiza mak deskansa barak no konsumu bee barak.

Alende ne’e, nia hatutan, iha mós kazu balun ne’ebé laiha tratamentu maka bele monu ba moras ne’ebé susar liu.

Governante ne’e husu ba inan-aman sira atu kuidadu oan sira iha uma no estrada públiku, tanba dalaruma labarik sira halimar ba mai la uza xinelus no inan-aman la tau atensaun makaas ba oan sira iha momentu ne’ebé rai rahun barak.

Ministra mós hare katak, dezenvolvimentu iha munsípiu Ermera diak, maibé Ministériu Saúde mós iha planu atu harii tan sentru saudé tolu iha Ermera inklui eleva mós sentru saúde sira ne’ebé iha, tanba hare ba populasaun ne’ebé barak.(*)

Rate this item
(0 votes)
Last modified on Thursday, 19 November 2020 07:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks