Tempotimor (Dili)-Timor-Leste bele sai ezemplu ba nasaun sira hotu iha mundu tomak kona-ba esforsu halo prevensaun ba pandemia Covid-19 bainhira nia sidadaun hotu-hotu, liu-liu sira ne’ebé iha area fronteira kontribui ho parte seguransa hodi evita atividade illegal sira ne’ebé iha posibilidade bele lori moras Covid-19 tama mai.

Tempotimor (Dili)-Prezidente Repúblika Francisco Guterres Lú Olo deklara, maske Timor-Leste lakohi mate tanba Covid-19, maibé TL labele taka odamatan ba ema estranjeiru sira ne’ebé hakarak tama mai nasaun ne’e.

Tempotimor (Dili)-Estadu emerjénsia ne'ebé nu'udar meiu Timor-Leste nian hodi limita sirkulasaun sidadun iha nasionál no ba internasionál, nune'e labele lori moras mai sosiedade lokál.

TempoTimor (Dili)-Pedidu Prezidente Republika (PR) hodi estende Estadu Emerjensia (EE) ba daneen (6) hetan apoiu husi partidu opozisaun, Konsellu Nasional Rekonstrusaun Timorense (CNRT) iha Parlamentu Nasional (PN).

Tempotimor (Dili) - Preokupasaun públiku nian kona-ba pasiente Covid-19 ne'ebé sempre mosu de'it iha tempu ne'ebé Estadu Emerjénsia atu hotu, maibé governu rejeita Covid-19 iha TL nu'udar kriasaun polítika.

Vise-Ministru Saúde (MS), Bonifácio Maucoli hateten, Covid-19 mosu iha TL la'ós governu mak politiza, maibé realidade iha duni kazu.

"Ema nia interpretasaun ne'e katak polítikamente, maibé realidade hanesan ne'e duni, ita hatene nasaun viziñu Indonézia de'it agora iha 349 kazu pozitivu, entaun ita hakarak husik de'it?" dehan nia, iha Parlamentu Nasionál (PN), Sesta (2/10).

Governante afirma, kazu ne'ebé Timor-Leste iha ne'e la'ós tranzmisaun lokál, maibé kazu importadu.

"Kazu sira ne'e mós afeta de'it ba joven sira ne'ebé sira-nia rezisténsia ne'e mos makaas, entaun durante ne'e ita izola no trata sira, ikus mai sira rekupera", katak nia.

Vise-MS ne'e mós afirma, kazu ne'e la'ós politiza tanba estadu emerjénsia atu hotu ona entaun halo ida ne'e, maibé la'ós, tanba ema ne'ebé servisu saúde ne'e tékniku, la'ós polítika.

Entretantu, sidadaun ne'ebé dadun ne'e pozitivu no iha sala izolamentu Vera Cruz ne'e nia kondisaun di'ak ona.

Alende ne'e, dadus ne'ebé www.tempotimor.com asesu iha pájina facebook Palásiu de Sinzas Ministériu Saúde nian, iha Tersa (1/10), ema ne'ebé halo ona teste hamutuk 8.073, rezultadu teste negativu hamutuk 7.702, sei hein rezultadu teste 343, iha sala izolamentu na'in ida, kazu konfirmadu na'in 28 no rekuperadu na'in 27. (*)  

Tempotimor (Díli)- Deputada Parlamentu Nasionál (PN), bankada Kmanek Haburas Unidade Nasionál Timoroan (KHUNTO), Olinda Guterres, husu Prezidente Repúblika (PR), Dr. Francisco Guterres Lu Olo atu halo kedas pedidu estensaun Estadu Emerjénsia (EE) ba tinan ida nian nune'e deputadu sira iha PN bele halo aprovasaun dala ida de'it.

Deklarasaun ne'e deputada Olinda hato'o, relasiona ho kada fulan Xefe Estadu ho Governu sempre husu hela de'it estensaun ba Estadu Emerjénsia (EE).

Deputada ne'e dehan, pedidu señor Prezidente Republika nian ne'ebé tama ba iha PN, kuaze dala lima ona, tanba ne'e, Prezidente Parlamentu Nasional (PPN) atu fó tempu oitoan deit ba deputadu sira halo intervensaun no tama kedan ona ba votasaun.

"Ita koalia lori ba, lori mai, ha'u nia hakarak no hanoin, di'ak liu prezidente repúblika tau kedas tinan ida nian lori mai para ita aprova dala ida", hatete deputada Olinda Guterres bainhira halo intervensaun iha plenária PN, sabadu (03/10).

Nia dehan, ita nia tétum iha timor ne'e, hira, tanba dezde momentu pedidu ba EE tama ba iha PN, sira ita koalia fila ba mai, bobar ba mai, di'ak liu koalia de'it vota ona, tanba di'ak ba ita nia povu no ba ita hotu.

Nia hatete, bele koalia barak bainhira ita aumenta saláriu ba polísia sira ne'ebé halo seguransa iha fronteira, atu nune'e sira bele servisu ho imparsiálidade.

Tuir nia, importante mak governu tau matan ba sira ne'ebé iha fronteira, portu no aeroportu, saúde sira, aumenta saláriu atu sira bele halo servisu ho imparsiál.

Ita mak koalia nafatin, prezdinte PN, prímeiru ministru sira deputadu iha PN mós koalia mak nafatin de'it, ita nia tétum iha ne'ebé mak atu foti ba tau tan.

"Ha'u oras ida lakohi tan halo deklarasaun, halo intervensaun, deskulpa. Tinan ida dala ida ha'u halo", dehan deputada Olinda.

Tempotimor (Dili)- Xefe bankada partidu Konsellu Nasionál Rekonstrusaun Timorense (CNRT), Duarte Nunes hateten, atu aprova lei Rejime Juridiku hodi nune'e governu la presiza mai bei-beik Parlamentu Nasionál (PN) hodi husu estende Estadu Emergensia.

Tempotimor (Dili)-Eis Prezidente Parlamentu Nasionál no atual deputadu bankada CNRT Arão de Jesus da Costa Amaral deskonfia mosu politizasaun ba Covid-19 tanba molok estadu emerjensia remata, sempre mosu kazu pozitivu foun ida.

Tempotimor (Dili)-Autoridade seguransa sei prosesa Timor-oan balun ne’ebé tama illegal iha area fronteira rai-maran Rejiaun Administrativu Espesial Oekusse-Ambeno (RAEOA) no daudauk ne’e hala’o hela kuarentena durante loron 14.

Tempotimor (Dili)- Relasiona Surtu Covid-19 ne'ebé kontinua sai ameasa iha mundu inklui Timor-Leste, governu liuhusi Konsellu Ministru propoin ba Prezidente Repúblika, Francisco Guterres Lú Olo, atu estende tan Estadu Emerjénsia ba dala VI.