Tempotimor (Dili)-Prezidente Komité 12 Novembru, Grigório Saladanha, hatete, Ministériu Asuntu Kombatente Libertasaun Nasionál (MAKLN) presiza intervene lalais tratamentu ba veteranu ne’ebé moras gravé.

Tempotimor (Díli)-Prezidente no Diretór Ezekutivu Autoridade Nasionál Água e Saneamentu, institutu públiku (ANAS-ip), Domingos Pinto hatete, iha tempu badak sei gegula komunidade ne'ebé mak estraga bee iha fatin públiku.

“Tanba ida ne'e mak ami hahú fó xamada, ami seidauk bele regula ita bele dehan bele fó sansaun ruma tanba ami iha hela faze preparasaun ba kuadru legal sira maibé iha tempu besik ami sei hahú e ami sei bolu ema hotu ne'ebé halo perfurasaun atu sira mai rejistu e ita komesa halo regra ruma para iha futuru hahalok sira ne'ebé bomba soe arbiru de'it ne'e ita bele regula se la’e difísil”, dehan Domingos iha sede ANAS-ip, Kaikoli, kinta (08/07).

ANAS-ip foin hahú maibé orienta ona nia Diretór sira halo inspesaun no haree razaun saida mak komunidade sira husik bee iha fatin públiku sira.

“Hanesan iha semana kotuk ha'u haruka diretór sira ba halo inspesaun, ami foin mak hahú seidauk bele halo buat barak, maibé semana kotuk ami hahú atu haree problema saida mak sira husik bee sulin arbiru, kuandu ita hadi’a jestaun bee, bele labele estraga tanba iha depósitu bee iha rai okos kuandu ema seluk hamenus entaun nia sakrifika ema seluk iha área seluk”, esplika nia.

Tanba ANAS-ip rasik servisu tuir dekretu lei 38/2020 de 23 de Setembru ne'ebé anexu, atu regula abstesimentu bee hothotu, nia atu regula bee iha ka la’e, tanba saida mak bee laiha ida ne'e, no tau matan ba bee nia kualidade no kuantidade sira. (*)

Tempotimor (Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, halo enkontru ho Embaixadór Estadus Unidus Amérika (EUA), Charles Kevin Blackstone, hodi ko’alia kona-ba servisu asuntu parlamentár no  komunikasaun sosiál.

Tempotimor (Dili)-Ohin kinta (08/07/2021) maizumenus tuku 20:30 servisu intelijénsia hamutuk ho Polísia Nasionál Servisu Investigasaun Kriminál (PNSIK) kaptura ona suspeitu AS ne'ebé oho membru Polísia Nasionál Timor-Leste (PNTL) primeira sarjentu Rosalina dos Santos iha nia rezidénsia Beto.

Tempotimor (Dili)-Prezidente Komité 12 Novembru, Grigório Saladanha, konsidera governu liuhosi Ministériu Asuntu Kombatente Libertasaun Nasionál (MAKLN) abandona Materestu 12 Novembru tanba seidauk rezolve diretu ba pensaun.

Tempotimor (Dili)-Komandu Jerál Polísia Nasionál Timor-Leste (PNTL) dadaun ne’e seidauk hatene paradeiru suspeitu AS ne’ebé envolve kazu omisidiu hodi oho nia fen husi membru Polísia Nasionál Timor-Leste (PNTL), Primeira Sarjentu Rosalina dos Santos iha Beto Barat, Aldeia Anin Fuik, Suku Madohi, Postu Administrativu Dom Alexo, Munisipiu Dili, segunda (06/07).

Tanba ne’e Komandante Jerál PNTL, Komisáriu Faustino da Costa husu ba suspeitu AS atu entrega-an ba parte seguransa atubele supmete ba justisa.

Kazu membru PNTL Rosalina dos Santos prosesu investigasaun la'o hela, klaru autór ne'ebé oho nia feen rasik ne'e nafatin husi família, vítima mós PNTL husu tantu suspeitu nia família rasik atu di'ak liu koopera atu suspeitu bele entrega-an.

“Ohin ita-boot sira husu suspeitu ne'e kaptura ona ka lae?. Tanba ne'e mak desde bainhira akontesementu ne'e ita ezije ba se de'it, se di'ak liu ne'e nia entrega-an ba parte PNTL ka iha ne'ebé”, hatete Komisáriu Faustino ba jornalista sira hafoin sorumutu ho Prezidente Repúblika, Francisco Guterres 'Lú Olo', iha palásiu prezidensiál Bairopite, kinta (08/07).

Matebian ninia mate ne'e PNTL sei organiza atu desloka matebian ba ninia munisípiu ka moris fatin.

PNTL sente triste tanba asuntu família nian, membru PNTL ida tenke hakotu vida.

Antes ne’e, membru PNTL ho postu primeira sarjentu ho naran Rosalina dos Santos iha loron tersa (06/07) maizomenus tuku 23:30 kalan mate iha nia rezidensia Beto Barat, Aldeia Anin Fuik, Suku Madohi, Postu Administrativu Dom Alexo, Munisípiu Dili ne'ebé deskonfia sona husi suspeitu AS nu'udar laen kaben.

Mosu akontesimentu ne'e suspeitu halai ses tiha ne'ebé ekipa buka nafatin koordena ho família, liliu família autór atubele entrega-an ba polísia, maibé to’o agora seidauk hatene ninia paradeiru. (*)

Tempotimor (Dili)-Ministru Edukasaun Juventude no Desportu (MEJD), Armindo Maia, deklara iha loron 19 fulan-jullu tinan 2021 sei reativa prosesu ensinu aprendizajen prezensiál ba estudante sira iha munis’ipiu Dili.

Tempotimor (Dili)-Diretór Jerál Sekretáriu Estadu Formasaun Profisionál no Empregu (SEFOPE), Paulo Alves hatete, sira simu xamada husi Governu Korea Súl, relasiona ho traballadór timoroan na'in-70 ne’ebé aranka ba Korea iha fulan-juñu na’in-tolu deteta pozitivu Covid-19.

Tempotimor (Dili)-Ministerériu Saúde (MS) liuhusi Sentru Integradu Jestaun ba Krize (SIJK) rejistu kazu Covid-19 foun hamutuk 63 no rekuperadu 46.

Tempotimor (Ainaro)-Sekretáriu Estadu Kooperativa (SEKoop), Elizário Ferreira, husu ba membru sira iha grupu Kooperativa Produsaun Multisetorial (KPM) atu halo produsaun nune'e bele fa’an iha loja kooperativa ne'ebé hari'i ona.