“Atu ejize mós ba Ministériu Asuntus Kombatentes Libertasaun Nasionál ho Konsellu Kombatente Libertasaun Nasionál atu tau matan sériu bá veteranu no Kombatentes Libertasaun Nasionál sira ne’ebé moras todan ne’ebé presiza intervensaun lalais hodi halo tratamentu”, dehan Greg’orio iha Centro Nacional Chega (CNC), Balide, kinta (08/07).
Tanba, durante ne'e hatudu ona veteran no Kombatentes Libertasaun Nasionál balu mate tanba laiha atendimentu lalais no sériu.
Nune’e pozisaun Komité 12 Novembro, mós hein atu ema hotu ne’ebé uluk fó-an hodi kontribui ba luta independénsia Timor-Leste nian, bele hamrik hanesan rai ida independente bele hetan sira-nia direitu, molok sira husik mundu.
Maibé husu mós ba polítiku na’in no ukun na’in sira, nomós deputadu, inklui orgaun judisial hanesan Tribunál, PNTL ho F-FDTL sira, Estadu nia servidór sira seluk, joven sira, no Povu tomak, atu rekupera fali armonia, respeita no hadomi malu iha toleránsia no perdua malu, tau ás konstituisaun Repúblika no léi sira, iha tempu difísil.
“Tanba impase polítika, tanba Pandemia Covid-19, no liliu iha tempu preparasaun bá eleisaun presidensiál iha tinan oin mai, atu nune’e Timor-Leste bele hakmatek, no desznvolvimentu nasionál bele la’o lalais hodi garante moris di’ak bá povu maubere tomak”, dehan nia.
Rekomenda Mós ba Ministériu Saúde atu halo esplikasaun klean no klaru hodi bele garante konfiansa bá komunidade sira, oinsá mak vasina atu hetan imunidade kontra Covid-19. (*)