SEKoop Husu Membru KPM Halo Produsaun Barak

Sekretáriu Estadu Kooperativa (SEKoop), Elizário Ferreira. Sekretáriu Estadu Kooperativa (SEKoop), Elizário Ferreira. Foto Tempo Timor

Tempotimor (Ainaro)-Sekretáriu Estadu Kooperativa (SEKoop), Elizário Ferreira, husu ba membru sira iha grupu Kooperativa Produsaun Multisetorial (KPM) atu halo produsaun nune'e bele fa’an iha loja kooperativa ne'ebé hari'i ona.

"Sé loza ne'e mosu, produtu ne'e komunidade nian, tanba ne'e tenke produz produtu sira halo barak hodi ba tau iha loza ne'ebé hari'i ona. Ortikultura sira tenke produz, modo tahan, modo fuan, entaun presiza produz ho kuantidade, nomós Agro-agrikultura, peskas ho turízmu komunitáriu sira”, dehan SEKoop Elizário durante loke formasaun ba membru KPM iha salaun sorumutuk MAP Munisipiu Ainaru, kinta (08/07).

Tanba ne’e husu ba membru kooperativa sira iha Ainaru katak, bainhira atu hari'i loja ba kooperativa, tenke la'o ho Kooperativa Produsaun Multisetorial (KPM) ne'ebé nia sentru sei instala iha Ainaru.

“Produtu kafé ne'ebé atu lori ba nasionál, tenke tau ona hamutuk iha sentru ou loja ne'ebé iha ona. Sede kooperativa nian tenke hamutuk ho loja kooperativa, maibé mós tenke iha armajen ida hodi rai produtu", dehan nia.

Durante sai oradór ho matéria "Dezenvolvimentu Integradu Baze Iha Kooperativa", SEKoop Elizário esplika mós filozófia kooperativa nian ba membru kooperativa sira oinsá mak envolve-an iha kooperativa.

"Filozófia, (husi membru ho nembru ba membru), katak osan ka sasán mai husi membru, membru mak maneja no nia benefísiu fila ba membru”, dehan Elizário.

Atu asesu ba osan iha kooperativa, populasaun sira tenke organiza oinsá atu hetan osan hodi bele kompleta nesesidade família ka organizasaun nian, ho servisu ne'ebé tenke hisik kosar.

SEKoop nia pilár importante iha kooperativa mak tenke liuhusi durasaun, tanba kooperativa presiza hahú ho edukasaun, dezenvolve ho edukasaun, kontrola ho edukasaun no dependénsia totalmente ba edukasaun.

“Autu-sufisiénsia katak, kooperativa nia kapitál mai husi partisipasaun ekonómika membru sira-nia depozitu joias no na’in joias. Solidariedade, katak membru kooperativa sira tulun-an rasik, no tulun ema seluk. Na'an manu sira tenke mai husi agrikultór sira”, hatete nia.

Iha vida negósiu, ema nia tanis mak tanis, tanba membru kooperativa ruma hetan susar, membru sira tenke fó tulun ba malu.

"Ita-nia mak hakarak hari'i sosiedade ida assosiadu. Sosiedade ita tenke moris hamutuk. SEKoop akompaña sei ita-boot sira, superviziona no auditória. Kooperativa sira aban bainrua sei hetan supervizaun husi SEKoop, maibé sei la fó osan boot, fó de'it osan ne'ebé atu asegura fatin (sede) kooperativa nian”, nia afirma.

Entretantu, SEKoop sei fasilita membru sira iha KPM hodi legaliza sira-nia atividade produsaun, tanba iha departmentu ida mak ko’alia kona-ba rejístu no sertifikasaun ne'ebé sei kondúz no verifika kooperativa ne'e hodi rejísta iha notariadu nune'e bele iha ona lisensiamentu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter