Tempotimor (Dili)- Eis-Prezidente Republika periodu (2002-2007) José Ramos Horta hateten, ema balun hasai deklarasaun iha media sosial kompara ki'ak entre nasaun Timor-leste (TL) ho nasaun boot sira ne'e, la hatudu kapasidade intelktual ho seriedade.
Tuir Laureadu Novel da Paz José Ramos Horta katak, iha nivel ki'ak mak kompara fali Timor-leste ho nasaun boot sira, ne'e la iha logika, tanba nasaun boot ukun an uluk no Timor-leste ukun an ikus.
"Hau haree iha Facebook halo tan komparasaun ida Timor ki'ak liu rai sira hanesan Mianmar, Cambodia, Indonesia i rai lubuk ida katak, Timor ki'ak liu, ne'e la hatudu ka la iha seriadade intelktual", dehan Horta iha ninia diskursu hafoin vizita ba Suku Grotu, Postu Same Vila, Munisípiu Manufahi, tersa (22/09).
Tuir Horta, se kompara Timor-leste ho nasaun boot sira, ne'e hanesan kompara labarik ki'ik ho ema ne'ebé idade ona.
"Se o kompara fali Timor ho Mianmar, Indonesia, entaun hanesan kompara fali labarik oan tinan 7 ou 8 ho ema klosan boot ida tinan 20 resin ona, agora ida foin tinan 7 ne'e nia halo saida ona no ida tinan 20 ne'e halo ona saida iha nia Vida", tenik Ramos Horta
"Maibé haree iha dadus estatistika komparativu hau hakfodak, iha tempu portugues Timor oan ida ita bolu ho lian portugues esperansa de vida, signifika se ema timor ida, moris to'o tinan hira, klaru balun liu tan, mais barak liu menus liu tan, entaun halo iha klaran, tempu portugues 40 anus o bele esperansa de vida, pois tama tempu okupasaun la konta ho sira ne'ebé mate, tanba violensia la konta, tanba la'os mate tanba idade, maibé mate tanba violensia", esplika Horta
Maske nune'e, maibé tuir dadus statistika iha parte populasaun asesu eletrisidade Timor-leste diak liu, kompara ho nasaun Mianmar.
"Tanba hau rasik hakfodak haree didiak númeru sira ne'e hotu, tanba hau lee hau ba halo investigasaun asesu ba eletrisidade iha Timor barak liu duke Mianmar, 80 pursentu populasaun Timor asesu ba elitrisidade", tenik Horta
Tempotimor (Dili)-Tribunal Distrital Dili (TDD) kondena arguidu Jerry husi Filipina ho pena prizaun tinan 10, tanba transporta kazal Timor-oan ba Indonézia lori ho droga iha makina printer.
Tempotimor (Dili)-Eis Ministru Agrikultura no Peska Mariano Assanami Sabino husu ba governu Timor-Leste atu lori fila Timor-oan na’in 72 ne’ebé daudauk ne’e tuir treinamentu kona-ba agrikultór avansadu iha Israel.
Tempotimor (Dili) - Prezidente Asosiasaun Nasionál Múzika Timor-Leste (ALMAMOR), Henrique do Rosário Waiwatu, konsidera Estadu la tau interese no la valoriza artístiku Timor-Leste nian.
Tempotimor (Dili)-Gabinete Kombate Korupsaun no Kriminalidade Organizada (GKKKO) iha Ministériu Públiku (MP) finaliza ona akuzasaun kontra 'padre' ida ho inisiál RD ne’ebé deskonfia komete abuzu seksual hasoru labarik kiik.
Tempotimor (Manufahi) - Eis-Prezidente Republika (2002-2007) no Eis-Primeiru Ministru (IV Governu Konstitusional 2007-2012) Kay Rala Xanana Gusmão ho Eis-Prezidente Republika José Ramos Horta mak hanesan abut no talin ba nasaun Timor-leste (TL).
Tuir Sefe Suku Filomeno do Santos ne'ebé hanesan reprezenta ba komunidade suku Grotu konsidera Lider karismatiku Kay Rala Xanana Gusmão mak abut no Eis-prezidente Republika José Ramos mak talin ba nasaun.
"Abut ba rai timor mak aman Xanana no talin mak aman Ramos Horta",dehan Sefe suku Grotu, iha ninia introdusaun badak iha Suku Grotu, tersa (22/09).
Tuir nia, Lider karismatiku Kay Rala Xanana Gusmão mak abut ba nasaun, tanba luta iha rai laran hodi defende Timor-leste, no Laureadu novel da paz José Ramos Horta mak talin ba Timor-Leste, tanba luta iha rai liur hodi defende nasaun.
"Aman abut no talin mai iha suku Grotu mak hau respeitu", tenik Nia
Nune'e, Aman abut Kay Rala Xanana Gusmão no talin José Ramos Horta ba Timor-leste mak bele komprende hatene kondisaun no situasaun iha suku Grotu Postu Same Vila Munisípiu Manufahi.
Tempotimor (Díli)-Iha proposta Orsamentu Jeral Estadu (OJE) 2020, governu atribui orsamentu hamutuk millaun $6 ba Tribunal Rekursu (TR), maske nune’e TR husu tan osan adisionál ho montante millaun $5 resin hodi hatan ba nesesidade tribunál sira.
Tempotimor (Dili)-Diresaun Jerál Servisu Covid-19, Ministériu Saúde informa katak, pasiente Covid-19 na’in ida ne’ebé durante ne’e baixa iha Sentru Izolamentu Vera Kruz rekuperadu ona. Ho nune’e, Timor-Leste dala ida tan deklara livre husi Covid-19.
Tempotimor (Manufahi)- Eis-Primeiru Ministru (IV governu) Kay Rala Xanana Gusmão ho Eis-Prezidente Republika (2022-2007) José Ramos Horta ninia prezensa komunidade suku grotu, postu administrativu, Same Vila, Munisípiu Manufahi sente kontente no haksolok tebes.
.