“Ita-nia planu para ké iha fim de mês ida ne’e ou sela’e iha inisiu de Marsu ne’e bele halo ona lansamentu primeira pedra ba konstrusaun Uma Kbi’it La’ek rihun-4 iha tinan ida ne’e bele suku sira konstrui uma sia to’o 10 iha teritóriu Timor laran tomak”, informa Ministru Miguel iha Farol, segunda (07/02).

Tanba ne’e informa ba Xefe Governu kona-ba identifikasaun ne’ebé halo iha teritóriu laran tomak kuaze remata ona hodi halo implementasaun.

“Ohin ko’alia ho Sua Eselénsia Primeiru Ministru nian para hari’i 4 mil casas Uma Kbi’it La’ek, Sekretariadu tékniku Programa Nasionál Dezenvolvimentu Suku (PNDS) iha ona kuaze konklui ona identifikasaun benefisiáriu ba uma kbi’it la’ek sira iha teritóriu Timor-Leste tomak hodi bele fó biban ba Sekretariadu Téknika PNDS atu konstrui 4 mil casas ne’e”, dehan nia.

Iha ne’e Ministru Estatal mós informa kona-ba simu pedidu ba kriasaun Suku foun sira ne’ebé nia prosesu sei la’o hela.

“Ha’u informa mós ba Sua Eselénsia Primeiru-Ministru para aleinde atualizasaun baze de dadus iha Munisípiu de Ataúru”, afirma nia. (*)