"Durante iha fulan-janeriu nia laran, maske iha inisiu tinan 2021 ne'ebé iha ambiente feriadu nian, AIFAESA nafatin hala'o funsionamentu ba atividade operasaun hodi responde ba nesisidade urjénsia nian, totál estabelesimentu hamutuk sianolu-resin-tolu (93) mak inspesionadu”, dehan Ernesto iha pájina ofisiál AIFAESA, ne’ebé www.tempotimor.com asesu, tersa (04/02). 

Ba tipu infrasaun ne'e, identifika produtu liu prazu hamutuk hitu (7), hala'o atividade laiha autorizasaun hamutuk tolu (3) no kondisaun restaurante ne'ebé la ijiene hamutuk rua (2).

Dadauk kazu ne'e, responsável sira submete uluk ona prosesu hamutuk neen (6), ba Departamentu Assuntu Jurídiku no Kontraordensaun hodi instrui ba prosesu kontra-ordenasaun, hodi hein desizaun finál.

Estabelesimentu ida iha Postu Administrativu Vera Cruz, ne’ebé indentifika operadór ekonomíku sira kontinua fa'an tabaku Ilísitiu ho marka Surya 12 hamutuk slop 13, masu 13, lolon 10. Alende ne'e mós, inspetór sira halo kontrolu ba produtu ai-hán sira ho kondisaun falun metin.

Nune'e, atividade Operasaun Brigada Turistika ba Restaurante iha área Bekora, ekipa konvoka na'in ba restaurante 4 tanba kondiasaun estabelsimentu no restaurante ida (1) lisensa komersial liu ona data validade.

Iha loron, 31 janeiru, AIFAESA mós halo apreensaun ba produtu Tora Bika Cappucino ne'ebé prazu ona husi estabelesimentu ida (1), lokaliza iha área Fatuhada, Postu Administrativu Dom-Aleixo.

Produtu tora bika cappuccino hamutuk plastíku 90  ne'e, Inspetór husi DO-DMP prende wainhira realiza inspesaun ba estabelesimentu sira ne'ebé halo atividade ekonómika iha área refere.

Atividade operasaun husi ekipa inspesaun ne'e, inspesiona estabelesimentu sira ne'ebé komersializa produtu ai-hán, bebidas no vestuáriu. (*)