"Presiza liu mak irigasaun uluk, mak fahe tratór ba sira, ba ha'u autoridade presiza liu mak irrigasaun duni, mak fahe tratór," dehan Nilton ba www.tempotimor.com, kuarta (02/02).
Tanba, irrigasaun la dia’ak mak natar hamutuk hektar-178 iha Suku Nunira kuaze abandona kleur ona.
"Bee matan ho bee mota, bee monu oituan-oituan mak hodi halai to'o iha ne'eba, maibé irigasaun ladi'ak," nia afirma
Nune’e. iha tinan 2021 hato'o proposta atu halo perfurasaun bee, maibé ho razaun menus Orsamentu Jerál Estadu (OJE), tanba ne'e atu adia ba OJE tinan 2022.
Maibé, louva Fundasaun Konsellu Rezisténsia Nagasoro (FCRN-silga portugues) Sentru Konsentrasaun Kaixa Jerál Armagem Guireleirus das Falintil Bodi Boy Naga-Soro ne'ebé mak Governu liuhusi Servisu Apoiu Sosiedade Sivil no Auditória Sosial, apoiu fundus rihun US$75 hodi investe iha setór Agrikultura.
"Governu apoiu sira hodi halo Agrikultura, tanba ita-nia nasaun ne'e bolu nasaun Agrikultura nian, ne'ebé sira mak tenke servisu makas ba buat sira ne'e, mais Governu mós tenke haree bainhira sira kuda ita sosa kria gudang tau ba mak bele fa’an," nia hatete. (*)