Xefe Suku Nunira, Nilton de Souza Gama hatete, parte estrada nian husi diresaun Seulasi, to'o iha Suku Lalulai susar ba komunidade sira, atu lori sai produtu lokál ba merkadu.

"Estrada nian halo ona relatóriu ba iha gabineti Prezidente, mais ami husu se bele karik realiza no mós eletrisidade, ha’u nia komunidade balun seidauk asesu," dehan nia ba www.tempotimor.com iha Lalulai, kuarta (02/02).

Bainhira iha moras grave ruma presiza urujente atu lori ba Ospitál, maibé kondisaun dalan grave, dala ruma ambulansia to'o tarde ema balun la konsege salva nia vida.

Suku Nunira kompostu husi Aldeia-5, maibé uma ka'in ne'ebé asesu ona eletrisidade atinji pursentu 60, enkuantu pursentu 40 mak seidauk.

Preukupasaun ne’e, kada tinan sempre relata proposta, maibé laiha resposta pozitivu.

"Foin dadauk Primeiru Ministru mai iha Baukau, ami suku 59 enkotru to'o iha Baukau mós dehan, ita nia OJE ba 2020 laiha 2021 seidauk ita hein ba 2022," nia haktuir

Nu’udar autoridade lokál ne'ebé hamutuk ho komunidade iha baze sente triste, tanba povu balun asesu ona eletrisidade, maibé balun sei iha nakukun laran.

Entertantu Suku Nunira iha Aldeia-5 no totál populsaun hamutuk 2.255. (*)