Tuir relatóriu ne'ebé aprezenta husi Ministériu Finansa (MF), iha loron segunda (03/01) katak, alokasaun OJE ba RAEOA iha tinan fiskal 2021, dadaun ne'e atinje de’it millaun US$25,2 ka 26% husi totál orsamentu alokadu millaun US$97,7.
Enkuantu Taxa ezekusaun reál tuir klasifikasaun ekonómiku, ne’ebé atinje aas liu mak iha kategória Saláriu no Vensimentu ne’ebé ezekuta purvolta millaun US$8,4 ka 76,5% husi orsamentu alokadu millaun US$11,1. Bens no Servisu atinje millaun US$9,6 ka 41,7% husi orsamentu alokadu millaun US$22,9.
Aleinde ba Transferénsia Públika ezekuta millaun US$1,5 ka 40,1% husi orsamentu alokadu millaun US$3,7. no Kapitál Menor ezekuta rihun US$374,5 ka 10,2% husi totál orsamentu alokadu millaun US$3,6.
Husi Kapital Dezenvolvimentu RAEOA ezekuta millaun US$5,2 ka 9,3% ho orsamentu alokadu millaun US$56,3. (*)
