"Ho projetu ida ne'e hakarak garante efetivu ida no rigorozu kontrola orsamentál, no nune'e mós hodi simplifika prosedimentu sira ba ezekusaun orsamentál nian”, informa Ministru Prezidensia Konsellu Ministru (MPKM), Fidelis Leite Magalhães, ba jornalista sira iha Palásiu Governu, kuarta (05/01).
Ho aprovasaun ne'e, hodi fó kontinuidade ba mudansa sira ne'ebé implementa ona iha tinan rua liu ba, atu fasilita sira ne'ebé ezekusaun OJE husi órgaun no servisu sira iha setór públiku administrativu nian.
"Ne'e dekretu Governu ne'e la haruka ba Prezidénsia Repúblika, dekretu Governu atu halo saida?. Lei dekretu Governu promulgadu atu ezekuta ne'e Governu tenke aprova ninia regra ezekusaun sira ne'e mak ohin aprova”, esplika nia.
Dekretu Governu ne'e aprezenta husi Ministru Finansas (MF), Rui Augusto Gomes, ba Konsellu Ministru no hetan ona aprovasaun. (*)