Login to your account

Username *
Password *
Remember Me

Pagamentu Jornalista Liña Frente Depende ba Publikasaun iha Jornal Repúblika  

Ministru Asuntu Parlamentár no Komunikasaun Sosiál (MAPKomS), Francisco Martins Jerónimo. Ministru Asuntu Parlamentár no Komunikasaun Sosiál (MAPKomS), Francisco Martins Jerónimo. Foto Suplay

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, pagamentu ba jornalista liña frente seidauk tanba jornál Repúblika seidauk fó sai informasaun kona-ba romulgasaun lei.

"Ha'u haruka ha'u-nia asesor sira buka tuir informasaun ne'ebé dehan Prezidente Repúblika (PR) promulga ona subsídiu liña frente ba jornalista, maibé jornál repúblika seidauk fó sai informasaun kona-ba lei ida ne'e, entaun ita seidauk bele halo pagamentu”, informa Ministru Francisco Martins, bainhira partisipa serimónia Aniversáriu AJTL, iha Salaun Luz Claritas, kuarta (22/12).

Tuir informasaun Prezidente Repúblika promulga ona lei subsidiu liña frente ba jornalista, maibé ne'e dalaruma promulga lei dahuluk nia.

"PR dehan lei ne'e promulga tiha ona, maibé ha'u haree nia dehan lei ida uluk ne'e karik, tanba lei ida uluk ne'e ba de'it fulan rua, entaun lei ne'e mate tiha ona nia la iha kontinuidade, nune'e ita presiza lei foun, no ida foun ne'e ba ona iha PR maibé ha'u seidauk simu promulgasaun ne'e, maibé ha'u nafatin haruka asesor sira haree lei ne'e para bele halo despaixu Ministerial hodi bele ezekuta”, esplika nia.

Prosesu Administrativa halo hotu ona, hein de'it lei ne'e iha hasai despaixu ezekuta kedas haruka ba Ministériu Finansas (MF) para halo pagamentu.

Maibé fiar katak iha tempu badak sei halo konsultasaun atu nune'e bele haree filafali prosesu ne'e hotu no sei komunika mós ho Ministériu Finansas atu haree took.

"Maibé agora ha'u mós foin rona PR lisensa, se lisensa se mak atu promulga lei, tanba PR mak promulga Lei, promulga ne'e mak sai baze ba ami atubele haree, maibé fiar katak tempu badak ita sei halos hotu buat sira ne'e”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter