Login to your account

Username *
Password *
Remember Me

FUP Baukau Apoiu Nesesidade Báziku ba Idozu-70 iha Kelikai

Idozu sira ne’ebé simu hela apoiu nesesidade báziku husi FUP Baukau iha Kelikai, kuarta (22/21). Idozu sira ne’ebé simu hela apoiu nesesidade báziku husi FUP Baukau iha Kelikai, kuarta (22/21). Foto Tomas Freitas

Tempotimor (Baukau)-Fundasaun Uma Paz (FUP) Baukau fó apoiu nesesidade báziku ba inan no aman idozu hamutuk na'in-70 iha Postu Administrativu Kelikai, Munisípiu Baukau.

Diretóra Ezekutivu FUP Baukau, Felismena Belo hatete, apoiu ba idozu ne’e ho hanoin atu selebra festa natal hamutuk ho parseiru servisu no autoridade lokál sira.

"Festeja ida ne'e, ami sei fahe prezente naton hanesan nesesidade báziku ba inan ho aman idozu sira hamutuk na'in-70 ne’ebé husi Suku 8," dehan Felismena ba www.tempotimor.com, kuarta (22/12).

Nia akresenta, apoiu nesesidade báziku ne’e, kada ema ida hetan fós saka-ida ho kilo-20, biskuat falun-2, mina bimoli, susuben, sirup ABC botir-ida, xá, kafé noi masin-midar.

Tuir planu sei fó mós apoiu ba idozu sira iha Postu Administrativu seluk ne’ebé iha Munisípiu Baukau laran, maibé bazeia ba pedidu ne'ebé fundasaun hetan, tanba apoiu nesesidade báziku ne'e, hetan suporta husi Friendshop Baukau.

Nune'e, benefisiária, Joaña Belo sente kontente no agradese, tanba bele hetan apoiu nesesidade báziku husi FUP Baukau ne’ebé bele auguenta ba loron balun.

Idozu sira ne'ebé benefisiáriu ba apoiu nesesidade báziku ne’e, kompostu husi Suku Letemumo, Kaluliu, Abo, Bualale, Baguia, Waitame, Abafala no Makalaku. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2022 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter