Login to your account

Username *
Password *
Remember Me

PN Aprova OJE 2022 ba Munisípál Sira

Deputadu sira halo aprovasaun ba Orsamentu Munisípiu sira iha Parlamentu Nasionál. Deputadu sira halo aprovasaun ba Orsamentu Munisípiu sira iha Parlamentu Nasionál. Foto Suplay

Tempotimor (Dili)-Parlamentu Nasionál (PN) deside hala'o diskusaun espesialidade ba Orsamentu Jerál Estadu (OJE) 2022, konsege aprova alokasaun orsamentu ba kada munisípial sira iha teritóriu laran. 

"Ho ida ne'e, orsamentu ba Munisípiu sira pasa iha espesialidade”, dehan Prezidente Parlamentu Nasionál (PN), Aniceto Longuinhos Guterres Lopes, iha plenária PN, tersa (14/12).

Bazeia ba proposta ne’ebé aprova, Autoridade Munisipál Baukau hetan alokasaun orsamentu Millaun UU$4,5 sei fahe ba saláriu vensimentu US$1,654,506, bens no servisu US$834,630, kapitál dezenvolvimentu US$392,908 no transferénsia públiku US$1,656,220. ida ne'e hetan aprovasaun ho votu a-favór 51, kontra 0 no abstensaun 12.

Ba Autoridade Munisipál Aileu aloka millaun US$2,811.963, Munisípiu Ainaro aloka millaun US$3,051.446, no Munisípiu Ataúro millaun US$2,508.100, inklui Administrasaun Munisipál Covalima hetan alokasaun millaun US$3,766.640. 

Husi alokasaun hirak ne'e hetan aprovasaun iha faze espesialidade ho votu afavór-55, kontra 0 no abstensaun 9.

Enkuantu ba Autoridade Munisipál Bobonaro hetan alokasaun Millaun US$4,426.163 ho votu a-favór 54, kontra 0 no abstensaun 9. 

Ba Administrasaun Autoridade Munisipál Dili hetan alokasaun millaun US$7,684.680 ne’ebé aloka saláriu vensimentu US$2,621.567, bens  servisu US$2,417.141,  kapitál dezenvolvimentu US$521.966, transferénsia públika US$2,124.006.

Nune'e mos ba Autoridade Munisipál Ermera aloka millaun US$4,287.418, no Administrasaun Munisipál Lautém hetan alokasaun millaun US$3,821.889.

Parlamentu Nasionál mós aprova alokasaun orssmentu ba Administrasaun Munisipál Likisá hetan valór Millaun US$2,988.710, no ba Administrasaun Munisipál Manatuto aloka millaun US$3,628.011.

Nomós ba Administrasaun Munisipál Manufahi aloka millaun US$3,453.388, Administrasaun Munisipál Vikeké millaun US$3,697.785.

Tuir planu, alokasaun orsamentu ba autoridade hirak ne'e sei implementa proprama prioridade hanesan estrada no ponte, programa dezenvolvimentu rurál no urbanu, programa asesu justisa, progama boa-governasaun no jestaun instituisionál, programa agrikultura, programa bee no saneamentu, programa saúde, programa edukasaun no formasaun, programa igualidade jéneru no inkluzaun sosiál no programa turizmu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter