Login to your account

Username *
Password *
Remember Me

Komunidade Bobonaro ‘Sisi’ Osan ba MAP 

Komunidade Bobonaro, suku Lahomea, Apolinario Barros. Komunidade Bobonaro, suku Lahomea, Apolinario Barros. Foto Suplay

Tempotimor (Bobonaro)-Komunidade Bobonaro, suku Lahomea, Apolinario Barros, sisi osan ba Ministériu Agrikultura no Peska (MAP), tanba seidauk selu povu nia haree, ne'ebé antes ne'e sosa.

"Tanba ho razaun agrikuktura foin dadauk ne'e sosa povu nia hare to'o agora la selu, ne'e dignidade Estadu nian tau iha ne'ebé?, dignidade Governu ne'e, tau iha ne'ebé?, dala ida tan povu nia osan ne'e, la selu ne'e, bainhira?", dehan Apolonario wainhira hala'o diálogu ho Prezidente Repúblika, Francisco Guterres’Lú Olo’, iha Salaun Jinajiu Maliana, kuarta (15/12).

Tanba Governu anteriór hakerek dehan povu kuda, Governu sosa, agora povu kuda, Governu sama leet de'it.

"Dala ida tan ha'u husu ba nai agrikultór ninian, tau hanoin didi'ak la lalika lohi demais povu, lalika bosok beibeik povu, povu ne'e baruk ona", afirma nia.

Hatan ba preokupasaun ne'e, Vise Ministériu Agrikuktura, Abílio Xavier de Araújo hatete, agrikuktura sira iha munisípiu Bobonaro sira-nia produtu maka’as, to'o kompaña sira ne'ebé sosa sei deve hela sira-nia osan, ne'e tanba produtu barak liu.

"Maibé atu halo loos de'it oituan, Ministériu Agrikuktura ne'e só hamutuk ho povu para produz hasa'e ai-hán, la'ós atu sosa hahán lokál, ida sosa ne'e ministériu seluk, Sentru Lojistik Nasional (CLN) sira mak sosa", esplika nia.

Nune'e, Prezidente Repúblika, Francisco Guterres ‘Lú Olo’, reforsa katak, foin semana kotuk liu ba Prezidente Repúblika promulga dekretu lei ida husi Governu nian, CLN fahe hahán  ba povu ne'ebé kbi’it laek, ho rendimentu ki’ik US$1.9 

"Portantu sira ne'e CLN sei bele haree sira-nia produsaun iha aramajen para bele fó apoiu ba ida ne'e. Bainhira ita fó hanesan ne'e fó mós hanesan oportunisade ba produtores sira, para atu bele produs di'ak liután, tanba CLN sei sosa ita-nia produtu ne'e nafatin iha tempu oin”, hatete Lú Olo. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter