Login to your account

Username *
Password *
Remember Me

PN Aprova Rihun US$20.000 ba Dezenvolvimentu BNCTL

Deputadu sira halo diskusaun no aprovasaun orsamentu iha plenária Parlamentu Nasionál. Deputadu sira halo diskusaun no aprovasaun orsamentu iha plenária Parlamentu Nasionál. Foto Suplay

Tempotimor (Dili)-Parlamentu Nasionál (PN) aprova on Orsamentu Jerál Estadu (OJE) 2022 hamutuk rihun US$20.000 ba dezenvolvimentu Banku Nasional Komersiu Timor-Leste (BNCTL).

Deputadu proponente, Antonio Bianco haktuir, maske Governu rona ona husi Komisaun C trata asuntu finansas públika katak, iha planu estratejiku iha BNCTL prevee para kapitalizaun to’o millaun US$150,000, maibé tanba iha ona esforsu husi Governu agora ne'ebé inisiu tiha ona tau millaun US$40,000 privisi orsamentu. 

Maibé iha mós balu fazeadamente sei bele, tanba ne'e nia rasik hanoin fazeadamente mós Governu mak sei tau nafatin planu estratejia banku BNCTL nian.

"Tan ne'e, ami hanoin mesmu Governu tau iha ne'e US$40,000 millaun, ami aumenta tan US$20,000 millaun, para bele dentru planu estratejia dezenvolvimentu banku ne'e rasik proximamente, depois Governu dentru sira-nia planu estratejiku atu hala'o dezenvolvimentu atu hasa'e banku ne'e, tanba ne'e la'ós on time, maibé faziadamente ita bele konkretiza para reforsa ita-nia banku", dehan nia iha debate espesialidade OJE 2022, iha Plenária Parlamentu Nasional, kinta (09/12).

Nune'e Ministru Finansas (MF), Rui Gomes hatutan, iha proposta ne'e haree katak reforsu ba kapitál BNCTL hamutuk US$80 millaun, ba asuntu ida ne'e, maibé hanoin pertinente tebes Ministériu Finansas pronunsia husi perspetiva finansas.

"Ami iha koñesimentu katak durante iha audisionál ho komisaun espesializada iha parlamentu nasionál, BNCTL invoka razaun 3 atu hatete katak, kapitalizasaun ne'e importante", hatete nia.

Tanba BNCTL, atu sai parachok ida, atu banku nian bainhira fó kreditu ba setór privadu, razaun segundu kata ida ne'e tama ona planu negósiu 2018-2023 nomós sei kontinua fali iha 2022-2028 no sira-nia target alvu ne'e atu fó kréditu US$300.000 millaun, no razaun terseiru mak sira hakarak prense rekijitu ne'ebé husi banku sentrál relativamente rekijitu mínimu dekonstrusaun presu ba empreza sira mikro ki’ikoan no media ne'ebé to'o finál 2020-2023 tenke to'o ona pursentu 35 husi sira-nia montante kréditu.

Enkuantu, Ministru Kooperativa Asuntu Ekonomia (MKAE), Joaquim Amaral, agradese ba proposta ne'ebé aprezenta kona-ba oinsá atu halo kapitalizasaun ba BNCTL.

"Hanesan ita hatene BNCTL Governu mai ona ho proposta alokasaun orsamentu ne'ebé hanoin atu kapitaliza fazeadamentu, tanba ne'e mak orsamentu ne'ebé Governu aloka iha proposta ne'ebé tama mai, ami haree katak proposta sira ne'e, iha intensaun di'ak atu reforsa ita-nia BNCTL", apela Ministru Joaquim.

Entretantu, proposta númeru 44 ho programa númeru 983 kona-ba adisionál dotasaun kategória inisial millaun US$52,500.000, adisionál aumenta millaun US$20,000,000, dotasaun kategória finál totál millaun US$72.500.000

Dotasaun totál kategória despeza millaun US$170,433,800 no dotasaun finál kategória despeza millaun US$190,433,800

Proposta ne'e atu aumenta fundu ba provizaun kapitalizasaun ba Banku Nasionál Komersiu Timor-Leste.

Proposta 44 pasa ho rezultadu votasaun Afavor 54, kontra 5, abstensaun 6. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter