Login to your account

Username *
Password *
Remember Me

Souru Coconut Oil Konsege Esporta Tonelada 11-resin ba Austrália

Diretór Ezekutivu Souru Coconut Oil, Arsénio da Costa Cabral. Diretór Ezekutivu Souru Coconut Oil, Arsénio da Costa Cabral. Foto Tempo Timor-Leste

Tempotimor (Lautein)-Diretór Ezekutivu Souru Coconut Oil, Arsénio da Costa Cabral hatete, durante Tinan 2021 ne'e konsege transporta ona mina nu'u hamutuk tonelada 11-resin ba Austrália.

"Durante ne'e ita haruka sai ona tonelada ba Austrália, ba dalarua, haruka primeira mak tonelada lima (5) no tuir mai mak tonelada  neen (6) ho balun”, dehan Arsénio ba www.tempotimor.com iha nia kna’ar fatin Suku Souro, Postu Administrativu Lospalos, Munisípiu Lautein, kinta (09/12).

Alende ne'e mós kontinua fa'an iha Timor laran atu sidadaun hothotu bele konsumu mina nu'u ne'ebé mak produz iha Lautein ne'e.

"Dadaun ne'e ita mós fa'an iha loja sira iha Dili laran, hanensan Lita Store, no seluk inklui mós kolega sira iha ne'e kontinua halo door to door hodi habelar ita-nia produsaun ne'e”, afirma nia.

Nune'e husu ba Ministériu Agrikultura no Peskas atu halo refloretasaun ba nu'u iha Timor laran tomak, tanba barak mak tuan ona.

"Husu mós ba Ministru Agrikultura, atu nune'e bele karik halo refloretasaun ba nu'u sira iha Timor laran tomak tanba nu'u barak mak tuan ona, tanba ne'e bele karik hola nu'u hodi kuda fali hodi troka sira tuan ne'e", rekomenda nia.

Durante ne'e Souru Coconut Oil konsege sosa nu'u iha Timor laran tomak ho folin fuan ida Us$0.10 husi komunidade sira.

"Ami mak tama ba komunidade sira-nia hela fatin hodi sosa sira-nia, dalaruma sosa iha suku laran, nomós suku seluk”, nia afirma. (*)

Rate this item
(1 Vote)
Last modified on Friday, 10 December 2021 08:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter