Empreza Korea La Simu Traballadór Infetadu Moras Mane

Diretór Nasionál Empregu Exterior (DNEE), Filomeno Soares. Diretór Nasionál Empregu Exterior (DNEE), Filomeno Soares. Foto Suplay

Tempotimor (Díli)-Sekretáriu Estadu Formasaun no Empregu (SEFOPE) liuhusi Diretór Nasionál Empregu Exterior (DNEE), Filomeno Soares informa, empreza sira iha Nasaun Korea Súl la simu traballadór timoroan ne’ebé infetadu moras siphilis (moras mane), tubercoluse no hepatites.

"Ami sempre fó hanoin ba sira tanba moras ida ne'e Korea la aseita para moras ida ne'e atu tama iha ne'ebá hanesan, Siphilis, Tubercoluse, depois ho Hepatitis ne'e”, dehan Filomeno Soares iha seremónia asina deklarasaun ho traballadór nia inan aman iha Salaun DNEE, Bekora, kuarta (24/11).

Maibé durante ne'e seidauk iha Timoraon ida ne'e mak afeita ba moras tolu ne'ebé, bainhira halo teste saúde.

"Maibé kuandu iha mak teste ralarua mak hetan moras tolu ne'e otomatikamente deporta fila”, afirma nia.

Tanba ne'e, traballadór sira presiza kuidadu sira-nia saúde molok aranka ba estranjeiru.

Nune’e  iha loron 26 fulan-novembru Governu Timor-Leste sei haruka tan traballadór mane 21 ba Korea Súl hodi Servisu iha área peska.

"Servisu iha tasi laran, entaun ita-nia traballador feto la inklui, maibé mesak mane de'it”, dehan nia.

Salvador Santos Gomes, nu'udar maun husi traballadór Noe Santos husu atu traballadór sira kuidadu-an bainhira aranka ba Korea.

"Iha responsabilidade boot ne'ebé Governu kaer hamutuk ho inan aman oinsá mak atu kuida, lia menon mak ne'e karik sira ekipa boot ida ba sira hanesan família boot ida, sira tau matan ba malu, hodi hanoin ba família no responsabilidade inan aman hodi tau matan hamutuk”, dehan nia.

Alende ne'e, SEFOPE mós husu ba traballadór nia inan aman inklui nia feen sira koopera hamutuk ho Governu hodi tau atensaun ba traballadór iha Korea.

Traballadór sira ne'e molok aranka sei hela iha izolamentu espesiál ida, hodi evita moras Covid-19 ne'ebé sai risku no impedimentu ba viajen traballadór sira-nian.

Iha fulan kotuk liuba traballadór ida migrasaun husi Malázia kansela hodi kontinua viajen ba Korra Tanba afeita moras Covid-19.

Maske iha Timor-Leste Ministériu Saúde halo ona teste swab molok traballadór hirak ne'e aranka ba Korea. (*)

Rate this item
(1 Vote)
Last modified on Wednesday, 24 November 2021 16:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter