KM Aprova Dekretu-lei Pagamentu ‘Saláriu 13’ ba Funsionáriu Públiku 

Reuniaun Konsellu Ministru sira iha Palásiu Governu momentu balun liuba. Reuniaun Konsellu Ministru sira iha Palásiu Governu momentu balun liuba. Foto Suplay

Tempotimor (Díli)-Reuniaun Konsellu Ministru (KM) ne'ebé lidera husi Primeiru Ministru (PM), Taur Matan Ruak, iha loron kuarta (24/11) aprova ona projetu dekretu-lei kona-ba pagamentu extraordináriu husi saláriu adisionál (saláriu 13) fulan ida nian ba funsionáriu públiku sira.

"Ohin, konsellu Ministru aprova, projetu Dekretu lei ne'ebé aprova husi Konsellu Ministru kona-ba pagamentu extraordináriu husi saláriu adisionál (saláriu 13) fulan ida nian ba funsionáriu, ajente no kontratu sira administrasaun públiku nian”, dehan Fidelis Leite Magalhães iha Palásiu Governu hafoin reuniaun KM kuarta (24/11).

Funsionáriu no ajente sira hotu administrasaun públiku nian abranje iha pagamentu extraordináriu ida ne'e exeptu funsionáriu kontratadu estranjeiru sira.

Nune'e, Governu mós sei halo pagamentu suplementár ba funsionáriu no ajente iha Ministériu Finansas (MF) ne'ebé mak halo servisu ba prosesu Orsamentu Jerál Estadu (OJE) ba tinan 2022 nian.

"Suplementu ida ne'e atu kompensa ba servisu funsionáriu no ajente sira husi Ministériu Finansas (MF) nian ba prosesu ejize no rekoñese katak iha jornada servísu ida ne'ebé mak boot liu kompara boot liu ho períodu normál ne'ebé prevé iha lei”, esplika nia.

Projetu Dekretu lei ne'e aprezenta husi Ministru Finansas (MF), Rui Augusto Gomes, ba Konsellu Ministru sira. (*)

Rate this item
(7 votes)
Last modified on Wednesday, 24 November 2021 16:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter