Login to your account

Username *
Password *
Remember Me

SEFOPE Esforsu Haruka Fila Timoroan Komete Irregularidade iha Estranjeiru

Diretór Jerál SEFOPE, Paulo Alves. Diretór Jerál SEFOPE, Paulo Alves. Foto Suplay

Tempotimor (Baukau)-Sekretária Estadu Formasaun Profesionál no Empregu (SEFOPE) kontinua esforsu atu haruka fila Timoroan ne'ebé komete irregularidade iha estranjeiru liliu iha Koréa Súl.

“Esforsu ne'ebé ita halo mak, komunika nafatin ita-nia adidu, para hakbesik ba sira konsolla sira, kontratu remata karik fila Timor”, dehan Diretór Jerál SEFOPE, Paulo Alves, iha salaun enkontru SEFOPE Baukau, kinta (28/07).

Tanba traballadór ne'ebé hala'o servisu iha Koréa Súl  konsidera irregularidade ka ilegál, sai preukupasaun ba Timor-Leste, tanba bele afeita ba kouta ne'ebé Timor-Leste haruka ba servisu iha nasaun refere.

Iha tinan hirak ba kotuk traballadór konsidera irregularidade iha Koréa Súl okupa kintu lugar ho totál pur-volta ema na'in-400 husi nasaun 16, maibé dadaun númeru tuun pur-volta ema na'in-200, tanba liuhusi adidu sira kontinua fó hanoin ba traballadór refere atu fila hikas mai Timor-Leste.

Tanba situasaun refere ba futuru bele fó impaktu ba Timoroan seluk ne'ebé hakarak ba servisu iha nasaun refere, nune'e SEFOPE liuhusi adidu kontinua rezolve problema hirak ne'e.

Alende mós nia klarifika, kanduditu traballadór Timoroan ne'ebé liu ona teste iha tinan-2017 no 2018 mak to'o ohin loron seidauk ba Koréa Súl, tanba naran traballadór ne'ebé atu ba servisu SEFOPE SEFOPE ona kada kompaña no kompeténsia husi kompaña sira iha Koréa Súl mak deside traballadór ba halo servisu.

“Atu hili ga la hili ne'e, ita laiha kompeténsia, nein Prezidente fali, Primeiru Ministru fali, nein tau kanuru tohar, dadus sira ne'e iha ne'eba komforme patraun mak hili, sé patraun la hili ita la bele obriga”, espplika nia.

Entretantu tinan-2022 inisiu husi fulan-janeiru to'o ohin loron, Governu liuhusi SEFOPE haruka ona traballadór Timoroan ba servisu iha Korea Súl pur-volta 600. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter