"Difikuldade ne'ebé suku Dukurai hasoru mak, liña eletrisidade laiha até agora, ne'e maioria, no ida ne'e difikuldade ne'ebé boot tebes, tanba fó impaktu maka’as ba labarik sira atu estuda”, dehan xefe Suku Dukurai, liuhusi telefone, sabaduy (20/11).
Suku Dukurai iha nia aldeia hamutuk sanolu-resin-tolu (13),no dadaun ne'e aldeia neen (6) asesu ba ahi-eletrisidade, maibé aldeia hitu (7) seidauk asesu ba liña eletrisidade iha uma-kain hamutuk rihun-ida-resin
Iha problema seluk ne’ebé enfrenta hanesan bee-moos, no iha aldeia hamutuk 6 ne'ebé seidauk asesu to’o agora.
"Ha'u nu'udar líder komunitaria sente triste, no sempre preokupa ho problema hirak ne'ebé proposta hotu ami hatama ona beibeik iha Ministériu relevante, maibé até a data nafatin laiha responde ne'ebé di'ak mai ami”, afirma nia.
Tanba ne'e husu ba Governu atu loke matan no haree ba povu sira iha baze hodi hatene problema iha baze ne'ebé mak nia povu sira hasoru.
Entretantu totál populasaun iha suku Dukurai hamutuk, rihun-neen-atustolu-haatnolu-resin-haat (1.344), ho totál uma-kain, rihun ida-atusia-sianolu-resin-ualu (1.998). (*)