"Tanba ne'e iha ha'u-nia tempu nu’udar Sekretáriu Estadu Ambiente ne'e, ami estabelese instituisaun ida, naran Sentru Informasaun Edukasaun Ambiental (SIEA), atu servisu sistimatikamente tranaforma ema nia pensamentu no halo edukasaun ambientál ida sistemátiku, neneik hari’i konsiénsia públiku kona-ba asuntu ambientál, atu ema respeitu ambiénte ne'e di'ak”, dehan Sekretáriu Estadu Ambiénte (SEA), Demétrio do Amaral de Carvalho, iha PN, tersa (16/11).
Tanba, Mudansa atetude atu ema respeitu ambiente ne'e, la'ós servisu loron ida-rua ka tinan ida-rua, maibé ne'e servisu jerasaun ida, tanba ne'e SEA admite preisiza iha instituisaun ida atu tau matan ba asuntu ne'e.
"Ho ida ne'e mak ita bele muda ema nia atetude, respeitu ambiénte, moris amigavel ho ambiénte”, esplika nia.
Dadauk regualementu kona-ba krime ambiéntál, prevé ona iha kódiku penál Timor-Leste ninian, artigu 215 ho 221.
Tanba ne'e regula krime ambiental hanesan Sunu rai, ai-horis husi fatin naturál ida, kasa ilegál, ke'e no (danping) rai-henek husi fatin, hodi halo konstrusaun ida, besi restu, kalen restu, materiál restu ne'ebe so'e iha mota laran, ida ne'e krime.
"Eh agora ita presiza kriminalizasaun, iha korajen instituisaun sira, kaer asuntu legál, husi polísia, ministériu públiku, aliña ho obrigasaun sira ne'e hotu, para depois haree krime ambientál sira ita bele hahú kriminaliza”, afirma nia. (*)