Login to your account

Username *
Password *
Remember Me

MTKI Sei Estabelese Jornál Rejisténsia no Mambae Coffee Trails

Ministru Turizmu, Komérsiu no Indústria (MTKI), Jose Lucas do Carmo da Silva. Ministru Turizmu, Komérsiu no Indústria (MTKI), Jose Lucas do Carmo da Silva. Foto Suplay

Tempotimor (Dili)-Ministériu Turizmu, Komérsiu no Indústria (MTKI) deside prevé ona Programa Jornál Rezisténsia  no Mambae Coffee Trails iha Proposta Orsamentu Jerál Estadu (OJE) ba estabelesimentu iha tinan 2022.

"Tinan 2022, ne'e kona-ba setór turizmu ninian, sei aloka mós osan ba programa ida jornal da rejisténsia, ne’ebé atu estabelese fatin istóriku sira ne’ebé mak ita-nia veteranu, ka gerileiru sira uza, liliu iha parte Leste. E husi parte Oeste ninian, ita iha mós programa setór turizmu ninian mak hanaran Manbae Coffee Trails, ne’ebé mak atu prezerva istória rejistensia”, dehan Ministru Turizmu, Komérsiu no Indústria (MTKI), Jose Lucas do Carmo da Silva, hafoin audénsa públika ba OJE 2022 ho komisaun D iha PN, segunda (08/11).

Pozisaun MTKI aloka ona osan ba tinan 2022 hodi hala’o programa Jornál Rezisténsia, atubele identifika no explora fatin istóriku sira ne’ebé uluk gerrilleiru sira uza sai subar fatin, liliu iha parte leste hanesan Uaibitai-Matebian atu konstrui fatin ruma no Larigutu, Postu Administrativu Ossu, Munisípiu Vikeké liliu hari’i uma dame ida.

Ba setór turizmu iha parte oeste, sei halo programa ida naran Mambae Coffee Trails. Tanba Programa ne’e ho atu prezerva no konserva fatin istóriku rezistésnia no konserva kafé, partikulármente ba kafé lakuten ne’ebé iha ninian valór ekonómiku di’ak tebes iha merkadu.

Enkuantu, MTKI sei tau mós prioridade ba programa boa governasaun no jestaun instituisionál, programa turizmu ninian, no programa investimentu ba diversifikasaun ekonómiku, ho sub-programa 15 no atividade hamutuk 55.

Sub-programa boa-governasaun ho ninia atividade mak peskiza, planeamentu no dezenvolvimentu, inspesaun fiskalizasaun, auditória, no koordena servisu korporativu.

Programa investimentu mak atu deversifika ekonomika ba médiu prazu, ho ninia sub-programa mak regulamentasaun no kontrolu inklui inspensaun no monitorizasaun ba atividade ekonómika.

Purtantu totál orsamentu ne’ebé alokadu na Ministériu Turizmu Komersiu no Indústria, ne'e hamutuk US$13,584.365 ne’ebé sei fahe ba saláriu no vensimentu US$1,828.184, bens no servisu US$5.490.852, transferénsia públika US$6,039.000, kapitál menór US$94.320, no kapitál dezenvolvimentu US$132.000. (*)

Rate this item
(0 votes)
Last modified on Monday, 08 November 2021 19:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter