Rekapitulasaun reseita ne'ebé DTT Munisípiu Baukau iha ba fulan-Outubro 2021 nian, rejistu hamutuk 114 nia orsamentu 1,462.50, lisensa tranjektu 57 ho orsamentu 2,655.00, lisensa kondusaun 129 orsamentu 2,155.00, Inspeksaun 630 orsamentu 5,470.00 .
"Totál ema iha fulan-outubru laran mai iha Diresaun Transpórte Teréstre Munisípal Baukau, hamutuk atus sia tolu nulu (930) ho nia orsamentu rihun-sanulu-resin-ida-atushitu-haatnulu-resin-rua, sentavu limanulu (US$11,742.50)", dehan Diretór DTT Munisípiu Baukau, Roberto da Cruz, iha kna'ar fatin Uatulete, segunda (08/11).
Nia konta, reseita Iha fulan-outubru DTT Munisípiu Baukau hatama rihun US$11,742.50, boot liu kompara ho fulan-setembru ne’ebé hatama de’it rihun US$11,525.00
Alende ne'e, husu mós ba motorista sira ne'ebé iha ona karta konduzaun provizoriu bele hakat ba DTT Munisípiu Baukau atu foti originál, tanba dadaun blanku originál sei iha natoon atu halo atendementu.
Nune'e mós, fó hanoin ba motorista sira ne'ebé inspesaun no lisensa ba kondusaun sira durante mate ou invalidu, hahú ohin loron segunda, 08 fulan-novembru tinan 2021 bele selu multa, tanba servisu DTT Munisípiu Baukau hahú fali ona atendementu. (*)