Login to your account

Username *
Password *
Remember Me

Governu Deve Kompaña Upai, Komunidade Ailelo Kontinua Moris iha Nakukun

Rin Eletrisidade Timor-Leste ne’ebé kompaña sira dada hela iha territóriu laran tomak. Rin Eletrisidade Timor-Leste ne’ebé kompaña sira dada hela iha territóriu laran tomak. Foto Suplay

Tempotimor (Ermera)-Kompaña Upai Unipesoal, Lda durante ne’e seidauk liga ahi-eletrisidade ba komunidade iha Suku Ailelo, Postu Administrativu Hatulia, Munisípiu Ermera, seidauk bele finaliza halo komúnidade kontinua moris iha nakukun, tanba Governu sei deve hela osan husi kompaña refere.

Xefe Suku Ailelo, Geraldo Martins hatete, iha tinan 2015 Governu Timor-Leste fó fiar ba Kompaña Upai unipesoal, Lda atu instala liña eletrisidade ba populasaun iha Suku Ailelo maibé tanba Governu  la selu ba Kompaña to'o ikus populasaun sira kontinua tur nafatin iha nakukun laran.

"Ami-nia área ne'e loloos ne'e listrik tama tiha ona, besi rin dada kompletu tiha ona, ha'u ko'alia ho kompaña husu dehan, tanba saida mak ahi la lakan tan?. Kompaña dehan fali, tanba Estadu mak sei deve hela ami-nia osan, tanba ami halo servisu ne'e lori ami-nia osan mak halo maibé to'o ikus Estadu la fó ami-nia osan”, dehan Geraldo ba www.tempotimor.com iha Aldeia Betupu, sesta (15/10).

Maske líder Komunitáriu esforsu hela atu bele asesu liña eletrisidade maibé seidauk iha rezultadu ne’ebé pozitivu.

"Direta, indireta mós ha'u hato'o tiha hotu ona ba EDTL, foin dadauk ne'e sua Eselénsia Primeiru Ministru (PM) ha'u hato'o kedas”, afirma nia.

Liña eletrisidade ne'ebé kompaña Upai unipessoal,Lda instala ba populasaun iha suku Ailelo hahú iha tinan 2015 to'o agora ahi seidauk lakan.

“Iha ne'e la'ós veteranu sira mak impede, se ita ko'alia veteranu ha'u mós ema veteranu ida, maibé ha'u hanoin mak ha'u-nia populasaun tur iha naroman, ha’u lakohi atu tur iha nakukun”, dehan nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter