"Ha’u fiar katak ho rekualifikasaun no espansaun ne’e, halo ita bele konkretiza ita-nia prioridade sira, tanba infraestrutura ne’e sei asume hanesan plataforma ida ba pasajeiru, merkadoria no negósiu nian sira, ho potensiál hodi konverte ba transporte aéreu sira, alternativu ba aeroportu sira seluk iha rejiaun, nune’e fó impaktu siknifikativu iha ita-nia kreximentu ekonómiku no dezenvolvimentu Estadu nian”, dekkara PM Taur iha Ministériu Finansas, Aitarak Laran sesta (01/10).

Tanba ne’e, Governu haksolok ho akordu Empréstimu ida entre Governu Repúblika Demokrátika Timor-Leste ho Banku Dezenvolvimentu Aziátiku ne’e, bainhira Parseiru dezenvolvimentu sira atu kontribui ba nesesidade ne'ebé mak sei presiza.

Governu ne’e mantein determinadu iha aposta hodi kontinua investe ba “konstrusaun Estadu Direitu Demokrátiku” La’ós de’it iha hari’i ponte, estrada, portu marítimu, eskola, unidade saúde, servisu ba abastesimentu bee, irrigasaun ka saneamentu, ne’ebé importante liuba futuru.

“Iha programa sira apoiu nian ba diversifikasaun ita-nia ekonomia, iha ita-nia dezenvolvimentu institusionál ka kapasitasaun, formasaun ka abilitasaun ita-nia rekursu umanu, ne’ebé disponibiliza husi tékniku voluntáriu atus-resin ne’ebé mak tinan barak, ajuda ona ami, no ami hato’o ami-nia profunda gratidaun”, afirma nia.

Tanba husi ne’ebá kedan, konstrusaun ba stadu Direitu Demokrátiku ho baze sólida sira depende mós ba asaun ida ne’ebé empeña ba konstrusaun ka rekualifikasaun infraestruturas no ba prestasaun kualifikada ba beins no servisu públiku sira, ne’ebé halo sidadaun sira bele hadi’a sira-nia kondisaun moris atubele hasa’e ekonomia.

“Imi-nia aposta iha Timor-Leste no imi-nia investimentu iha ami-nia rai laran, mai ami nu’udár motivu atu haksolok, no enkoraja ami atu estabelese sosiedade ida ne’ebé kadavés moderna liu, próspera, sustentável, belun ba ambiente, tolerante no pasífika, ne’ebé ami hein katak liuhusi halo votu sira hodi halo espansaun no aprofundamentu husi modelu tripartidu kooperasaun nian ida-ne’e, bele habelar investimentu foun sira ho parseria sira ba futuru”, dehan nia. (*)