"Nakroman agora ne'e sira halo ona konkursu ida iha APORTIL ne'e remata ona, hein atu ba, iha tempu badak, entre semana ida ou rua ne'e nia ba ona”, dehan Diretór Jerál Ministériu Transporte no Komunikasaun, Gaspar de Araújo iha Ministériu Finansa (MF) Aitarak-Laran, sesta (01/10).
Dadaukn ne’e, Autoridade Portu Timor-Leste nian konklui ona konkuru ne'ebé sei entrega responsabilidade ba Kompaña mak sei lori ró refere ba iha Surabaia.
Maske nune'e parte Governu lakohi temi naran husi kompaña ne'ebé sei lori ró refere prosesu ne'e, los ona, públika ona iha jornál repúblika.
"Kona-ba orsamentu ida ne'e ha’u labele temi tanba ida ne'e ha’u lahatene, ne'e kompeténsia APORTIL nian, tanba konkursu ne'e sira mak halo”, hatete nia.
Iha prosesu manutensaun ba Ró Berlin Nakroman, Governu mós laiha ró seluk atu substitui hodi hala'o operasaun maibé Governu espera ho atividade manutensaun ba Ró ne'e fulan rua mai oin buat hotu sei la'o ho di'ak.
Iha fulan-maiu ho juñu nia laran, Governu apoiu ona komunidade Ataúro liuhusi aluga ró, no iha fulan-agostu to'o agora ne'e mak laiha.
Tanba ne'e Governu husu komunidade (kalma) hodi hein oituan bainhira prosesu manutensaun realiza ona mak iha fulan-rua mai atividade transporte ba sira sei ho di'ak. (*)
