Login to your account

Username *
Password *
Remember Me

Kada Tinan, Governu Fahe Fini Tonelada 140 ba Sidadaun Vulnerável

Ministru Agrikultura no Peskas (MAP), Pedro dos Reis. Ministru Agrikultura no Peskas (MAP), Pedro dos Reis. Foto Suplay

Tempotimor (Dili)-Ministru Agrikultura no Peskas (MAP), Pedro dos Reis hatete, kada tinan Governu liuhusi MAP prepara hodi sosa fini tonelada 140 fahe ba sidadaun vulnerável sira.

"Ami Ministériu sempre apoiu fini tinan-tinan maibé la'ós hothotu, ho limitasaun orsamentu atu ba demo área ba ema vulnerável kbi’it la’ek sira, ba istema irrigasaun 9 ne'e ami sempre tau osan, maibé la'ós hotu ami tau oituan no totál iha Ministériu ami so propoin ba demo área ba sasán sira ne'ebé ha'u temi iha 140 tonelada", dehan nia iha Ministériu Finansas, sesta (24/09).

Diretora Jerál Ministeriu Agrikultura no Peskas (MAP), Maria do Ceo Guterres hatutan, polítika Ministériu Agrikultura ba fini ne'e, tanba atu fahe de'it ba ema ne'ebé vulnerável, ema ne'ebé laiha kbi’it atu sosa fini nomós iha demostrasia área ne'ebé Ministériu hala'o kada kna’ar ba irrigasaun 9 iha Timor-Leste.

"Polítika ida ne'e Ministériu Agrikultura halo, tanba hakarak asegura katak ita-nia fini lokál ne'e ita bele dezenvolve iha Timor-Leste, nune'e osan ne'ebé ita gasta ba fini hanesan uluk karik, ita importa fini husi rai li'ur, tinan besik 10 ona mak ita-nia fini ne'e, ita produz rasik iha Timor-Leste", esplika nia.

Tanba Governu iha limitasaun orsamentu ba prioridade buat seluk, tinan-tinan Ministériu Agrikultura iha de'it kapasidade atu sosa tonelada 140 tantu ba hare no batar tanba ida ne'e atu fó de'it ba ektare 5.620.

"Enkuantu ita-nia toos, ita-nia natar ba tinan 2021 ita atinje tiha ona  to'o 32 mill, 500 ektare iha área kultivu nian", dehan nia.

Entaun iha agrikultura balun mak sosa rasik sira-nia fini, agora polítika ne'e atu asesgura de'it katak kuda fini ne'ebé mak Ministériu rekomenda. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter