CNC-AVKP Sei Hari'i Uma ba Sobrevivente Na'in-11

Diretór Ezekutivu Centro Nacional Chega (CNC), Hugo Maria Fernandes, no Koordenadór Nasionál Asosiasaun Vítima Konflitu Politiku, Domingos Pinto de Araújo, kaer hela dokumentu akordu servisu nian iha CNC, Balide, sesta (24/9). Diretór Ezekutivu Centro Nacional Chega (CNC), Hugo Maria Fernandes, no Koordenadór Nasionál Asosiasaun Vítima Konflitu Politiku, Domingos Pinto de Araújo, kaer hela dokumentu akordu servisu nian iha CNC, Balide, sesta (24/9). Foto Suplay

Tempotimor (Dili)-Centro Nacional Chega (CNC) servisu hamutuk ho Asosiasaun Vítima Konflitu Polítika (AVKP) 1974-1999 deside hari'i uma ba Sobrevivente na'in-11 ne'ebé mak dadauk moris ho kondisaun vulnerável.

Diretór Ezekutivu CNC, Hugo Maria Fernandes hatete, uma hirak ne'ebé sei dedika ba sobrevivente 11 ne'e nu’udar parte ida husi programa reparasaun, ba vítima no sobrevivente sira husi konflitu polítiku ne'ebé mak akontese iha tempu pasadu.

"Uma 11 ne'e sei oferese ba sira ne'ebé mak presiza liu, sira ne'ebé mak vulnerável liu, ne'e katak sira uluk vítima, sira sai tiha sobrevivente to'o depois de ukun-an ne'e sira-nia kondisaun ne'e kontinua iha kondisaun ne'ebé mak vulnerável ou mukit, balun uma seidauk iha", dehan nia iha kna’ar fatin, kaikoli, sesta (24/09).

Koordenadór Nasionál Asosiasaun Vítima Konflitu Polítiku, Domingos Pinto de Araujo "Ataide" deklara, dadauk munisípiu sira ne'ebé identifikadu atu hari'i uma mak hanesan, Lautein,  Vikeké, Ainaro, Covalima-Suai, Dili no Likisá.

"Iha Lospalos, familía vitíma tolu mak hetan iha ne'ebá, (uma-tolu), Vikeké ida, mai halo iha Lakluta, Ainaro rua (ida iha Mausiga, no ida Hato-Udu) Suai ida iha partensia Tilomar, depois mai iha Dili rua, ida iha Vera Cruz Nahaek, no ida iha Ataúro, iha Likisá  rua", informa nia.

Ba Munisipiu sira seluk, tama hotu iha programa ne'e maibé dadauk sei iha hela faze verifikasaun.

Tanba uma sanulu-resin ida ne'ebé mak atu hari'i bazeia ba rezultadu husi verifikasaun ne'ebé mak ekipa konjunta entre asosiasaun vítima ho CNC hala'o iha fulan-dezembru tinan 2020.

Kona-bá medida uma ne'e, iha uma hamutuk 10 ho ninia medida 7-9, no ida seluk ninia medida 5-6 tanba bazeia ba rai ne'ebé la favorese.

"Sim kualidade tenke ser garante, tanba ne'e antes ami atu hahú implementasaun, e foin lalais ekipa sira tun koordenasaun ho xefe suku sira liliu família no entidade sira iha ne'ebá atu koopera, e uma ne'e mós la selu ema barak só selu de'it mak badaen de'it", hatete nia.

Iha loron 24 setembru 2021, Sentro Nacional Chega ho asosiasaun vítima Konflitu polítiku, deside selebra ona akordu servisu ida ne'e, no totál orsamentu ne'ebé mak alokaduhamutuk rihun US$169.

Tuir kritèria ne'ebé estabelese uma ne'e tenke hari’i iha rai sobrevivente sira-nia rasik. (*)

Rate this item
(0 votes)
Last modified on Friday, 24 September 2021 18:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter