“Prezidente husu sira tenke aprezenta País didi'ak iha asuntu multiliterál nian nomós bilaterál nian e depois mós liliu ba oinsá diversifikasaun ekonomia iha rai laran hodi bele enkoraja embaixadór sira lori ema mai investe iha Timór”, dehan PR Husu Embaixadór TL Diversifika Ekonomia Dada Investór Estranjeiru, iha Palásiu Prezidensiál Bairopite, sesta (13/08).

Ministra Adalzija ne’ebé akompaña Prezidente Repúblika hafoin fó pose ba Embaixadór na'in-4  hanesan, Grigorio Souja ba Korea Súl, Maria Olandina ba Vietname, Marina Ribeiro Alkatiri ba CPLP no Lourdes Desa ba Zeneva.

Hafoin pose embaixadór sira mós prepara-an hasoru ministériu relevante sira hodi halo koordenasaun molok sira aranka ba hala’o misaun estadu nia.

Embaixadora Vietname, Maria Olandina Cairo Alves hatete, bainhira simu kna’ar ne'e la'ós hanesan privileziu maibé responsavilidade ida ne'ebé estadu Timor-Leste hakarak fó.

“Enkuantu ha'u sei bele, ha'u nu'udar sidadaun Timor-Leste, ha'u sei bele halo buat ruma ha'u sei halo”, dehan nia. (*)