Husi orsamentu ne’ebé iha maioria mai husi Governu Xina no husi Governu Timor-Leste investe de'it millaun ida-resin.
“Orsamnetu ne'e millaun lima ne'ebé mak ba de'it faze primeiru no instalasaun sira ne'e hotu to’o millaun lima, maibé Governu Xina mak investe barak liu, ita porvolta de um millaun de'it”, dehan Ministru Francisco Martins, iha Motael, sesta (13/08).
Tanba ne’e, instalasaun sistema DTMT ne'e sei la'o nafatin iha nível Munisípiu tomak, maibé husu ba komunidade sira-nia kooperasaun liliu Xefe Suku no Xefe Aldeia sira atu koopera ho tékniku sira atu nune'e labele mosu desentendimentu iha komunidade nia leet.
Husi Set Top Box (STB) ne'ebé Governu Xina oferta mai Timor-Leste ne'e hamutuk rihun-30, nune'e rihun-20 sei instala iha Munisípiu Dili no rihun-10 sei instala ba munisípiu sira.
“Ami hanoin ona katak se la to’o ou liu ne'e depende ba progresu ba iha kampu, bainhira hotu tiha mak hare filafali, halo nusa ba futuru tanba ita sei iha faze segundu no faze datoluk, nune'e husu komunidade lalika hamosu desentendimentu bainhira STB ne'e la too, Nune'e ami mós informa ba komunidade no públiku katak karik ba tempu ida ne'e seidauk bele hetan asesu ba instalasaun STB ita tau ba iha segunda faze no terseira faze”, esplika nia. (*)