“Bankada KHUNTO husu ba Governu liuhusi Ministériu Negósiu Estranjeiru no Kooperasaun ne'e, atu orienta embaisadór timoroan ne'ebé akreditadu iha nasaun ne'ebé itá iha ba, hodi reprezenta Estadu Timor-Leste hala'o servisu Estadu ninian iha nasaun hirak ne'e hodi tulun ita-nia Governu liuhusi buka meiu hotuhotu nune'e bele dada investimentu estranjeiru atu investe iha raí laran, nune'e bele rekupera filafali ita-nia ekonomia”, dehan nia iha plenária Parlamentu Nasionál, segunda (06/06).

Tanba investimentu estranjeiru tama iha rai laran ne'e felismente sira mai atu kuda maibé mak sira iha neon atu mai investe ne'e depende fali na Governu atubele hadi’a sistema seguransa juridiku ba investór sira liliu kona-ba parte rai nian.

“Kuandu ha'u ko'alia hanesan ne'e siknifika katak ejize ita-nia Governu liuhusi Ministériu Justisa no Sekretáriu Estadu Teras no Propriedade atu servisu maka’as liután atu hamosu produtividade ne'ebé mak produtivu hodi rai hela iha biban ita kaer ukun”, afirma nia.

Bankada KHUNTO husu tanba haree ba kestaun krize ekonomia ne'ebé dadaun ne'e Timor-Leste hasoru hela hahú husi Pandemia COVID-19 no dezastre naturál iha 2021 inklui mós lala'ok dezeintendimentu governativa ne'ebé mosu durante tempu naruk iha raí laran.

Hatan ba kestaun ne'e, Ministru Asuntu Parlamentár no Kominikasaun Sosial (MAPKomS), Francisco Martins da Costa Pereira Jerónimo hatete, dadauk Governu rejista ona preopasaun husi deputadu Bankada KHUNTO nian no promete sei enkomina ba Ministériu kompetente sira atu fó resposta ba deputadu sira iha Parlamentu Nasionál. (*)