“Ita hatene katak orsamentu ida ne'ebé boot tebes, no 32 milhões ne'e, osan ne'ebé boot la halimar, nusa ita la uza ba nesesidade seluk ba nasaun ida ne'e nia, do que ba fali sosa ró ida iha laran aat hotu ona, no uza tinan ida ou tinan ida ho balun aat ona ne'e”, dehan Domingos Carvalho, iha Parlamentu Nasionál, tersa (10/08).
Dalan ne'ebé di'ak liu osan refere bele distribui fali ba ministériu sira ne'ebé bele uza orsamentu sira refere ba fulan haat ou fulan lima ninia.
“Ne'ebé nu'udar opozisaun ami hanoin di'ak liu ro ne'e kansela, tanba ita temi hela de'it ró nia naran maibé to’o nia espiritu santo mós ita la haree took ida”, hatete nia.
Tanba Ró Tranship II Gresik ne'e aat maibé nia laran di'ak liu fali Ró Haksolok tanba ne'e ró haksolok presiza kansela hodi utiliza osan ba nesesidade ne’ebé presiza.
"Ró Haksolok ne'e nia laran threepilex mak didin iha laran, e ita hasai kustu ida que boot la halimar, ne'ebé tuir ha'u-nia hanoin no ha'u-nia haree di'ak liu ró ne'e kansela para osan ne'e ita bele utiliza fali, hodi sosa buat foun ida para pelumenus uza ba ne'e hodi tempu naruk, do que ita uza osan ba ho kustu boot la halimar maibé karik ró ne'e to’o mai mós ita uza ba tinan ida no tinan ida ho balun de'it”, afirma nia. (*)