Ezekusaun OJE 2021 MSSI Foin Atinje Pursentu Sia

Ministru Finansas, Rui Augosto Gomes Ministru Finansas, Rui Augosto Gomes Foto Suplay

Tempotimor (Dili)-Ministru Finansas, Rui Augusto Gomes informa, ezekusaun Orsamentu Jerál Estadu (OJE) 2021 ba Ministériu Solidaridade Sosiál no Inkluzaun (MSSI) foin mak atinje pursentu sia (9%) husi orsamentu alokadu millaun $19,9.

“Taxa Ezekusaun iha liña ministériu ki’ik liu mak Ministériu Solidaridade Sosiál no Inkluzaun ne’ebé foin mak atinji 9% husi orsamentu alokadu millaun $19,9”, esplika Ministru Rui liuhusi komunikadu, segunda (05/07).

Maibé iha mós liña ministériu balun ne’ebé mak ninia taxa ezekusaun reál di’ak tebes hanesan Ministériu Petróleu no Minerál (47%), Ministériu Asuntu Kombatentes no Libertasaun Nasionál (46%), Ministériu Obras Públika (44%), Ministériu Interiór (37%) no Ministériu Administrasaun Estatál (36%).

“Maioria ezekusaun hirak ne’e aas iha transferénsia públiku. Purizemplu, transferénsia públiku ne’ebé Ministériu hirak ne’e halo ba Empreza Públiku sira ne’ebé mak tutela ba iha liña ministériu relevante”, dehan nia.

Nune’e mós ba setór Turizmu no Agrikultura ne’ebé konsidera hanesan setór ne’ebé mak importante tebes atubele fó empregu no jere kresimentu ekonomia rai-laran, ninia taxa ezekusaun reál to’o iha 30 juñu 2021, foin mak atinje 17% (MTCI husi orsamentu alokadu millaun $11,2), no MAP 16% husi orsamentu alokadu millaun $29,4). (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter