Governu Seidauk Apoiu Material Konstrusaun ba Vítima Inundasaun Hera

Xefe Suku Hera, Antónino Marcos da Silva ko'alia hela ba jornalista www.tempotimor.com iha nia uma, domingu (6/6). Xefe Suku Hera, Antónino Marcos da Silva ko'alia hela ba jornalista www.tempotimor.com iha nia uma, domingu (6/6). Foto Tempo Timor

Tempotimor (Dili)-Xefe Suku Hera Antónino Marcos da Silva hatete, governu liuhusi Sekretáriu Estadu Protesaun Sivíl (SEPS) seidauk fó apoiu material konstrusaun ba vítima inundasaun iha Suku Hera, Postu Administrativu Cristo Rei, Munisípiu Dili.

"Material ba vítima inundasaun sira ne’ebé mak uma laiha liu ona ne'e, to'o agora seidauk”, dehan nia ba www.tempotimor.com iha Hera, domingu (06/06).

Vítima inundasaun ne’ebé lakon uma iha akontesimentu inundasaun loron 4 fulan-abrin tinan 2021, to'o agora balun sei hela iha rezidénsia Padre Canosiana, inklui Parokia ho Eskola Tek-Vok Hera.

Vítima sira ne’ebé antes ne'e refuzia ba padre Canosiana sira iha Hera hamutuk ema atus-rua (200) no balun fila ona ba sira-nia hela fatin tanba uma Lahr tan estragu maka’as, no sira ne’ebé uma estragu totál, hela ho família, no iha ema na'in-26 sei hela sentru evakuasaun.

Iha mos ema na'in-36 mak dadaun mantein iha hela iha Parokia Hera, inklui ema na'in-12 iha eskola Tek-Vok ne'e.

Husi vítima sira ne'e, dadauk iha aldeia tolu mak hetan ona apoiu hahán bazika husi governu inklui Word Vision iha Timor-Leste.

Maske parte autoridade Hera hato'o bebeik ona ba Ministériu Solidaridade Sosial no Inkluzaun (MSSI) maibé seidauk iha solusaun.

"Ami rekomenda ba governu liliu parte protesaun sivíl no MSSI tenke aselera prosesu ne'e, tanba vítima inundasaun sira até agora hein hela sira-nia ajudu, liliu ba ema sira ne’ebé mak uma laiha ona ne'e, tanba agora dadauk sira hela bebeik iha padre sira mós la dun di’ak”, hatete nia.

Enkuantu totál uma-kain ne’ebé afetadu ba inundasaun (kaman no aat) hamutuk 545. Aleinde númeru uma-kain iha Suku Hera, hamutuk 2201 husi abitante 10172 mai husi aldeia Akanunu Mota-Ki'ik, Hali-dolar, Ailok-Laran, Sukaer-Laran no Aldeia Moris-Foun. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter