Tempotimor (Bobonaro)-Sekretáriu Estadu Protesaun Sivíl (SEPS) liuhusi Diresaun Nasionál Prevensaun Konflitu Komunitáriu (DNPKK) fasilita Grupu Arte Marsiál (GAM) Ikatan Kera Sakti (IKS), Persaudaraan Setia Hati Terate (PSHT) no Kmanek Oan Rai Klaran (KORKA) oinsá mak kontribui kuda páz no estabilidade iha suku Saburai, Postu Administrativu Maliana Vila, Munisípiu Bobonaro.

Diretór Jerál Protesaun Sivíl, Ismael da Costa Babo hatete, iha tempu uluk GAM no arte rituál barak uza asaun unidade, pás, estabilidade no promove unidade nasionál.

Tanba ne'e, asaun unidade ne'e tenke sai reflesaun ba juventude Saburai oan atu refleta no la’o tuir valór ne’ebé uluk éroi sira halo ba rai ida ne’e.

“Ha’u sadik ita-boot sira Saburai ona atu banati tuir valór, ne’ebé tempu uluk nian, hanesan kompromisu ita-boot sira halo sai fali éroi foun ba suku Saburai”, dehan Ismael hafoin lansa sorumutu entre organizasaun IKS, PSHT, KORKA iha suku Saburai, Maliana Vila, Bobonaro, kinta (07/07).

Prosesu kuda pas ba malu ne'e sai kompromisu ida oinsá fó kontribuisaun ba estabilidade, kontribuisaun atu promove ambiente ne’ebé di’ak no promove saúde públiku ba nasaun Timor-Leste.

Hoi da ne’e husu ba juventude no membru GAM hothotu iha Timor-Leste, atu servisu hamutuk no hatudu solidariedade ba malu no tulun malu iha kualkér servisu labele haree ba kór grupu nian.

“Husu ba Saburai oan atu ajuda bainhira PSHT halo servisu ruma parte IKS ho KORK ba ajuda, hanesan mós grupu seluk PSHT tenke ajuda KERA SAKTI ho KORK bainhira halo servisu sosiál ruma ka servisu seluk”, dehan nia.

Iha fatin hanesan, Portavóz husi Ikatan Kera Sakti suku Saburai, Orlando Pacheco deklara, nu’udar juventude ne’ebé hamahon-an iha organizasaun IKS nian prontu atu fó liman ba malu oinsá kontribui ba páz.

Nune’e, Portavóz, PSHT suku Saburai, Duarte dos Santos hatete, husi sira-nia parte kontente no apresia ba instituisaun DNKK ne’ebé konsege halibur sira hodi hamutuk sai juventude ida de'it no promete lakoi halo problema entre organizasaun sira iha suku laran inklui iha rai laran.

“Ami promete sei la halo tan problema iha suku laran entre ami, ami mós kontente tanba DNPKK bele halibura ami hodi hamutuk sai juventude ida iha suku Saburai la haree ba grupu, no asaun dame mai husi ami-nia inisiativa rasik hakarak kaer malu metin no hodi hatudu ba suku no munisípiu seluk katak ami unidade”, dehan nia. (*)

Tempotimor (Dili)-Xefe Suku Hera Antónino Marcos da Silva hatete, governu liuhusi Sekretáriu Estadu Protesaun Sivíl (SEPS) seidauk fó apoiu material konstrusaun ba vítima inundasaun iha Suku Hera, Postu Administrativu Cristo Rei, Munisípiu Dili.

Tempotimor (Dili)-Sekretáriu Estadu Protesaun Sivil (SEPS) liuhusi Diretór Nasionál Jestaun ba Risku no Dezastre, Agostinho Cosme Belo hatete, vítima hamutuk uma-kain 60 iha Sentru Evakuasaun Eskola 4 Setembru Balide reintrega ona ba komunidade.

Tempotimor (Dili)- Primeiru Ministru (PM) no atuál Ministru Interiór (MI), Taur Matan Ruak orienta Sekretáriu Estadu Protesaun Sivíl (SEPS) atu halo preparasaun ba klima udan boot ne'ebé sempre hamosu inundasaun.

Tempotimor (Dili) - Relasiona ho sidadaun ida husi Munisípiu Ermera ne'ebé tama ilegalmente ba Aeroportu Internasionál Nicolau Lobato, Komoro, iha Tersa 28 Jullu, Sekretáriu Estadu Protesaun Sivíl (SEPS) ameasa hasai pesoál seguransa sivíl tanba hala'o servisu la sériu.