Bazeia ba dadus hatudu, kada tinan governu lori orsamentu hodi fasilita timoroan liuhusi kursu Korea, maibé rezultadu ne’ebé di’ak.
Diretór Nasionál Empregu Esteriór SEFOPE, Filomeno Soares afirma, hahú husi tinan 2009 to'o 2020 governu Timor-Leste haruka traballadór sira bá serbísu iha Korea Sul hamutuk na'in-rihun3.696, no parte SEFOPE asesu dadus husi Banku Nasionál Timor-Leste (BNCTL) ho BNU ne'ebé sira transfere osan mai ho totál tokon U$46,292,375,1.00.
Kada tinan governu liu-husi SEFOPE investe ba kursu lian Korrea ho montate kuaze rihun U$824-resin.
Nune'e, kompara governu investe ho traballadór sira hatama fali mai diferente, tanba iha tinan 2019 governu investe bá kursu lian Korea hamutuk rihun U$824 de'it, maibé, sira hatama fali mai ho montate tokon U$3,956.
"Ida ne'e termasuk boot, agora ita investe ho I$800, maibé, sira hatama millaun U$3, entaun governu sei la lakon, ne'ebé ita kompara ho investimentu no pendapatan ne'ebé labarik sira mai ne'e, sei iha hetan lukru iha ne'eba”, dehan nua iha kna'ar fatin Bekora, kuarta (17/03).
Osan ne'e, sira hatama mai la'ós direita bá kofre estádu, maibé orsamentu ne'ebé sira hetan iha Korea Sul kada tinan haruka mai kuaze tokon U$2-resin.
"Sira la hatama pajak secara lansung (direita) ba estádu ne'e agora sementara (Temporaria) sidauk iha maibé remeses pendapatan (rendimentu) ne'ebé mak sira hetan husi ne'ebá ne'e mak, ita kalkula sira hatama kada fulan, entaun kada pesoál ne'e ita konta la di’ak, sira ne'e tinan-tinan sempre aumenta hela de'it, hanesan iha 2020 ne'e sira hatama mai millaun U$2,790,626.55”, deklara nia.
Kontratu ne'ebé Governu Timor-Leste ho Korea selebra hodi haruka traballadór ba serbísu ne'e, kada tinan na'in-500.
"Ba kouta ka demanda ne'ebé mak kada tinan Korea fó mai Timor-Leste ne'e, la liu 500, pas iha 500, maibé bele sa'e liu ida ne'e ita agradese, tanba iha 2019 konsege sa'e bá 515 mak manda iha 2019”, afirma boa.
Totál traballadór timoroan ne'ebé dadaun sei ativu serbísu iha Korea Sul ne'e purvolta ema na'in-2.893, no sira hirak ne'e barak liu Mane. (*)