Login to your account

Username *
Password *
Remember Me

Taur Orienta Membru Governu Responde Sosioekonómika Ba Efeitu Covid-19

Tempotimorn (Dili) - Primeiru Ministru (PM), Taur Matan Ruak, orienta ona membru governu relevante hodi halo preparasaun atubele responde sosiioekonómiku ba efeitu Covid-19.

Prezidente Konsellu Ministru, Fidélis Leite Magalhães, fó sai iha komunikadu loron 17 fulan-marsu tinan 2021 katak, hodi hatán ba situasaun epidemiolójika coronavírus foun nian iha Timor-Leste, Primeiru Ministru, Taur Matan Ruak, orienta ona membru Governu ne’ebé relevante kona-ba matéria ida-ne’e, atu impulsiona prosesu, ne’ebé la’o hela, ba preparasaun resposta sosioekonómika ba efeitu COVID-19 nian, atu nune’e, ho lalais, determina no disponibiliza apoiu umanitáriu, ekonómiku no sosiál ne’ebé presiza ba populasaun afetada sira.

Hanesan iha tinan kotuk, Xefe Governu define ona, nu’udar prioridade nasionál, katak presiza fó resposta ida, lalais no efikás, ba kustu no implikasaun sosioekonómika sira husi COVID-19, atu nune’e ema sira ne’ebé afetadu husi efeitu negativu sira bele hetan protesaun iha situasaun ne’ebé lakon rendimentu no monu iha dezempregu, no atu empreza sira ne’ebé hasoru difikuldade bele sustenta sira-nia fluksu kaixa nian no atividade ekonómika.

Maibé, iha tempu badak, sei finaliza mós apoiu ba estudante Ensinu Superior sira ne’ebé hela do’ok husi sira nia inan-aman no sira-nia Munisípiu.

Iha ne’e mós Governu sei define no finaliza apoiu ba traballadór sira husi liña frente nian, ne’ebé loroloron kombate moras ida-ne’e.

Iha mós prioridade seluk Governu nian mak atu impulsiona prosesu akizisaun no implementasaun ba vasina hasoru SARS-CoV2, atu nune‘e populasaun bele hetan imunizasaun lalais liu.

Governu, oras ne’e, iha hela faze ikus finalizasaun husi prosesu preparasaun ba mekanizmu finanseiru ne’ebé nesesáriu hodi fó resposta ba impaktu COVID-19 nian.

Ho proposta intervensaun sira ne’e sei submete ba Konsellu Ministrus ba apresiasaun no deliberasaun, hodi implementa ho lalais, iha tempu badak. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter