Login to your account

Username *
Password *
Remember Me

Serka Sanitária Impede Negosiante Largo Fila Uma Ho Dólar Ida

Negósiante ambolante ne'ebé tur ema atu sosa sira  fa'an hela ninia sasán iha Largo Lesidere, tersa (16/03 Negósiante ambolante ne'ebé tur ema atu sosa sira fa'an hela ninia sasán iha Largo Lesidere, tersa (16/03 Foto Tempo Timor

Tempotimor (Dili)- Negósiante ambolante iha Largo Lesidere sakrifika-an hodi tur hein sasán husi dader to'o kalan hetan US$1 bainhira fila ba uma, tanba Serka sanitária no konfinamentu domisiliáriu obrigatóriu ne’ebé bandu sidadaun sira halo movimentu iha fatin publiku sira.

Joana dos Reis nu'udár negósiante ambolante iha Largo Lesidere dezde tinan 2006 to'o agora, sente triste tebes, tanba, iha situasaun serka sánitaria, rendimentu tun tebes.

"Ami agora iha Largo ne'e susar tanba, Covid-19 ne'e la kleur Covid-19, prevene hanesan ne'e, ema la mai sosa ami-nia sasán, depois ami lori sáida mak ba oan sira han, ami lori haree ami-nia família ne'e sáida, loron ida hetan de'it 0,75 sentávus lá US$1 ne'e, oinsá”, espresa Joana ba www.tempotimor.com iha Largo Lesidere, tersa (16/03).

Kompara situasaun normál, antes ne'e, ho serka sánitaria, negósiante ambolante Largo Lesidere hetan rendimentu kada loron diferente boot.

"Sidauk Covid-19 ne'e, la'ós dehan, hetan di'ak maibé, US$10, U$5, US$7 loron ida bele iha, Covid-19 tiha loron ida 0,75 Sentacuz, US$1, US$1,50 de'it ne'e, ami hodi saida mak ami han”, dehan nia.

Negósiante ne’e iha oan na'in-neen, no nia kaben hala'o negósiu fa'an nú iha uma.

Nune'e mós, negósiante ambolante, Helena da Costa dehan, situasaun serka sánitaria dadaun ne'e rendimentu tun liu:

"Dalaruma ema hola US$3, dalaruma la hola liu hanesan ne'e de'it, sasán mós folin sa'e, karreta mós la halai, ita la'o de'it, uluk ne'e loron ida paling hetan US$10 ou US$20 bá leten, bele US$30, US$40, maibé agora ema la sosa liu, tanba ema mai polísia sira duni hotu, loron to'o kalan hetan de'it US$5”, konfesa nia.

Negosiante ne’e fa’an sasán durante ne'e iha fatin públiku atu sustenta oan na’in-hitu, mane na’in-Lima no feto na’in-rua. (*)

Rate this item
(0 votes)
Last modified on Wednesday, 17 March 2021 08:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter