ANLA sei Hapara Produsun Tahu-Tempe la Tuir Regra

Timor sira maka serbisu iha produsaun Tempe iha Dili Timor sira maka serbisu iha produsaun Tempe iha Dili Foto Suplai

Tempotimor (Dili)- Agênsia Nacionál Lisensiamentu Ambientál (ANLA) sei hapara Grupu ka sidadaun sira ne'ebé prodús tahu ho tempe bainhira la kumpri regra.

Sekretáriu Jerál ANLA António Lelo Tasi esplika, bainhira sidadaun sira ne'ebé prodús tahu mak la kuidadu ho tahu been, depois nia iis fó risku ba ema nia saúde mak sei hetan sansaun.

"Sansaun ne'ebé ami halo iha buat rua, ida sansaun administrativu mak halo notifikasaun hapara sira nia atividade, segundu halo notifikasaun mós ba Serve atu suspende sira nia lisensa", António dehan lia hirak ne’e hafoin Workshop iha Tower Fatuhada, Segunda (30/11).

Tuir nia observasaun katak, durante ne’e fatin produsaun tahu ho tempe, bainhira ema liu ba mai sempre horon nia iss ne’ebé makaas tebes.

"Ha’u la hatene kolega sira bainhira la'o liu produsaun tahu ho tempe iha ita liu ladún saudável, liu-liu horon nia iss, dois, tanba ne'e, ha’u hanoin durante ami simu keixa barak husi komunidade balun atu halo duni lisensa, balun trata duni lisensa, mais talvez ninia jestaun mak seidauk diak", ni akresenta.

Tuir Nia, loloos tahu been sira ne'ebé prodús primeiru, antes atu soe sai ba valeta tenke halo ninia (penyaringan), maibé sira la halo, tanba ne'e mak dois.

Nia afirma, na'in ba prudusaun Tahu no Tempe ne'e mesak timor-oan ne'ebé pelumenus ho modal ki'ik.

"Mais se notifikasaun ne'e fó ami hapara de'it mós nia la halo produsaun to'o fulan ida nia lakon boot, tanba ne'e obrigatóriu sira nian tenke trata jestaun di-diak", nia sujere.

Entretantu durante ne’e ANLA identifika ona fatin produsaun tahu no tempe rua ou tolu mak la kumpri regras no konsege suspende.

"Depois sira hadi'a tiha kondisaun, ami tun fali ba halo inspeksaun sira bele hala'o kontinua, ida ne'e mak daudaun ami halo", diretór ne’e dehan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks