Governu sei Esforsu Rezolve Preokupasaun CCI-TL ba Alterasaun Lei

 Ministru Koordenadór Asuntu Ekonómiku Eng. Joaquim Amaral iha Podium Ministru Koordenadór Asuntu Ekonómiku Eng. Joaquim Amaral iha Podium Foto File MKAE

Tempotimor (Díli)- Ministru Koordenadór Asuntu Ekonómiku (MKAE), Joaquim Amaral hateten, governu sei buka dalan liuhusi esforsu oioin atu oinsa mak bele halo alterasaun ba lei ne’ebé impede atividade emprezáriu nasionál sira liuliu Cámara Comerçio Indústria Timor-Leste (CCI-TL).

Ministru ne’e hateten, kona-ba CCI-TL governu atu halo alterasaun ba lei balun hodi hakbi'it mós seitór privádu sira, nia rekoñese durante ne'e seitór privádu sira iha barreiras balun ne'ebé presiza atu halo armonizasaun, governu sei haree atu oinsá akomoda preokupasaun sira ne'ebé prezidente CCI-TL aprezenta.

“Governu toma nota, no sei buka dalan oinsá bele hetan solusaun, konserteza sei la dala-ida, maibé tuir posibilidade sei buka tenta atu bele fó gradualmente. 2021 maka governu sei tau osan barak liu iha seitór infra-estrutura, tanba ne’e maka ohin iha mós MOP fó ninia intervensaun enkoraja seitór privádu sira atu bele prepara aan di'ak liu tan”, MKAE hateten.

Nia hatutan, preparasaun atu iha sentidu dimensaun ida luan, la'os de'it kontentes, maibé prepara aan iha área lubuk ida hanesan iha área jestaun finanseira nian hodi fásilmente bele asesu ba iha kréditu sira nune'e finansia ba iha projetu ka programa hirak ne'ebé seitór privádu sira hetan kontratu husi governu.

Antes ne’e, Prezidente Cámara Comerçio Indústria Timor-Leste (CCI-TL), Oscar Lima husu ba governu atu altera lei balun hodi bele fó benefísiu ba seitór públiku no privádu nasionál sira atu bele halo investimentu ho di'ak. (*)

 

Publisidade

Rate this item
(0 votes)
Last modified on Saturday, 28 November 2020 11:39
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks