Login to your account

Username *
Password *
Remember Me

CCI-TL Kontente MJ Aselera Sertifikadu Rai ba Sidadaun

Prezidente Kámara Komérsiu Industria-Timor-Leste (CCI-TL), Orscar Lima. Prezidente Kámara Komérsiu Industria-Timor-Leste (CCI-TL), Orscar Lima. Foto Suplay

Tempotimor (Dili)-Prezidente Kámara Komérsiu Industria-Timor-Leste (CCI-TL), Orscar Lima hatete, nia parte kontente ho Ministériu Justisa ne’ebé esforsu hodi atribui sertifikadu rai ba sidadaun sira tanba fó benefisiu.

“Ida primeira vez ami ko’alia ne’e buat ida ke Ministru halo buat ida importante tebetebes, se sertifikadu rai ne’e sai ona ne’e bele fó impaktu ne’ebé boot para ema ne’ebé foti osan husi banku bele garantia banku ne’e nia jurus sei hetan ki’ik liu entaun ida ne’e benefisiu ida boot tebetebes mak ita hetan ho Ministru ida agora Ministru da Justisa foin mak tama seidauk fulan tolu maibé konsege ona hala’o buat ne’ebé mak ami hasoru malu primeiru nia sai Ministru Justisa ami husu primeiru mak sertifikadu rai e nia promete katak sei rezolve e rezolve dadauk”, dehan Oscar Lima ba jornalista sira iha Ministériu Finansas, Aitarak Laran, sesta (10/06).

Tanba kuandu sertifikadu ba rai ne’e iha, automatikamente banku brani ona hodi fó jurus ne’ebé naton hodi halo dezenvolvimentu iha setór hotu ne’ebé mak la'o iha Timor-Leste.

“Ba futuru sira bele hatama ba ne’e sira-nia rai hatama ona querdizer hetan jurus ki’ik kuandu iha sertifikadu jurus ne’e ki’ik automatiku ne’e porque risku ladún boot ona banku mós brani atu fó kréditu para sira bele halo dezenvolvimentu seluseluk ne’ebé mak hanesan industria ruma ka halo agrikultura ruma ka ne’e tenke ho jurus ki’ik jurus boot ema ida la bele halo”, afirma nia.

Tanba dadaun ne’e Banku sira iha Timor-Leste komesa nakloke-an hodi fó kréditu jurus ki'ik, tanba ne'e emprezariál sira diversifika sira-nia an.

“Ita agora haree hela ita agora ko’alia hela ho instituisaun finansas agora komesa nakloke-an dadauk ona hanesan banku sira komesa atu fó kréditu jurus ne’ebé ki’ik hanesan ne’e emprezariál sira hakarak ka lakohi ne’e sira sei diversifika sira-nia an, ne’e la presiza haruka kuandu jurus tun e agora notísia ida ita rona di’ak liu mak ne’e sertifikadu rai nian atu sai ona iha ami loron hirak ne’e atu konvida jornalista sira duni para ami atu halo apelu ida para husu atu ita hothotu hato’o ida ne’e”, deklara nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter