Tuir informasaun ne’ebé www.tempotimor.com asesu iha pájina MTKI, sesta (10/06) katak, Ministru Turizmu Komérsiu no Indústria (MTKI), José Lucas do Carmo da Silva, simu bainaka Professores nain ha’at (4) husi Universidade Charles Darwin Austrália, ne’ebé Lidera husi Profesár Scott Bowman.

Profesór Scott agradese tebes ba Ministru MTKI nian resesaun ba sira na’in-4, no vizita ida ne’e akontese tanba ema Austrália hetan permissaun hodi halo viajen hafoin situasaun pandémia.

Ekipa ne’e mós hato'o ba Ministru José Lucas kona-ba projetu Universidade ninian iha setór Indústria (kapasitasaun no treinamentu), Turizmu (kooperasaun no parseria).

Tanba dadaun ne’e, Universidade Charles Darwin haree filafali parserías hodi kontinua ho projetu Scholarship no Interkámbiu kulturál.

Ministru Lucas mós husu ba esplorasaun sítius ne’ebé Forsa Austrália nian uza durante tempu funu, identifikasaun no istória ka reparasaun editifikasaun.

Iha ne’e, hato’o mós produtu orgániku Timor-Leste nian, tanba ne’e presiza kualidade no presiza reforsa husi Instituto Qualidade Rai rua ne’e nian atu produtus hirak ne’e bele hetan sertifikasaun.

Maibé Universidade Charles Darwin iha posibilidade atubele apoiu Timor-Leste, tanba iha ona laboratóriu. (*)