Tanba ne’e, Governu sei enkoraza agrikultór sira atu hasa'e produsaun rai-laran liu husi investimentu ba seitór produtivu naun pretrolíferu liu-liu relasiona ho surtu Covid-19 ne'ebé fó impaktu ba ekonomia Timor-Leste.
"Ita komesa hare ba seitór naun Petróliferu, komesa orienta ona dezenvolvementu ne'e ba iha ne'ebá mak barak liu," Azevedo hateten lia hirak ne’e iha Centro Convenções Dili (CCD) Kaikoli, Tersa (17/11).
Azevedo hatutan, ho implementasaun programa sesta bázika halo demanda ba ai-han lokál aumenta, ho nune'e bele enkoraza ona agrikultór sira atu aumenta liu tan produsaun.
Tuir Azevedo, populasaun iha Timor-Leste maioria komsume fos, tanba ne'e governu kontinua enkoraza atu agrikultór sira hasa'e produsaun háre nune'e bele mininiza importasaun fos husi rai liur. (*)