Login to your account

Username *
Password *
Remember Me

MAPKomS: La’ós Jornalista Front Line La Hetan Subsidiu

Ministru MAPKomS Francisco Jerónimo ko'alia hela ho jornalista sira iha PN, Kinta (13/08) Ministru MAPKomS Francisco Jerónimo ko'alia hela ho jornalista sira iha PN, Kinta (13/08) Foto Tempo Timor

Tempotimor (Dili)-Ministru Asuntu Parlamentar no Komunikasaun Sosial (MAPKomS), Francisco Jerónimo hatete, bainhira jornalista hala'o servisu durante Estadu Eemerjensia maibe la besik ba sala Sentru Informasaun Jestaun Krize (SIJK) maka sei laiha direitu atu hetan subsidiu.

Nia dehan, hanesan planu kona-ba subsidiu ba jornalista ne'ebe governu hahu sertifika, so ba jornlista ne'ebe servisu iha area frontline.

Nia esplika, maibe jornlista hala'o servisu hanesan iha implementasaun estadu emerjensia, maibe jornalista ne'e loron-loron la halo kobertura iha área liña frente hanesan kuarentena no izolamentu maka sei la hetan subsidiu.

Kona-ba sertifikasun ka lista jornalista ne'ebe antes MAPKomS haruka ba Ministériu Finansa, nia afirma, husi sira prontu atu haree fila-fali atu bele identifika sertifikasun loloos atu halo tuir legalidade ne'ebe iha.

"Front line ne'e hanesan iha sentru jestaun krize, fronteira, aeroporta, izolamentu, no kuarentena, iha munsipiu kuandu iha ne'eba nia ba iha fatin kuarentena ne'e frontline, iha diretu, ba sira ne'ebe servisu iha implementasun estadu emerjensia maibe la servisu iha front line ne'e buat ketak ida," dehan ministru Francisco, ba jornalista hafoin remata enkontru ho Prezidente Parlamentu Nasional, Kinta (13/8).

SIJK mak sai sentral ba atividade hotu-hotu, sira mak deside ida ne'ebé tanba, sentru intergradu ne'e iha kordenasun ho parte hotu-hotu hanesan aeroportu, fronteira, no mos haree to'o ba iha munsipiu sira. Tanba ne'e, bainhira jornalista sira iha ne'ebá parese SIJK sei kobre lista jornalista sira nian.

"Entaun ema sira ne'ebe servisu iha frontline, ne'e iha diretu no sira sertifika, tuir dekretu, ne'ebe hau hanoin husi parte ami nian, ami mos uluk identifika no halo tiha sertifikasaun ida, no haruka ona ba ministériu finansa, karik presiza haree fila-fali ami mos sei haree fila-fali," dehan nia.

Kona-ba lista ka konta bankaria ne'ebe antes ne'e entrega ona, nia dehan, MAPKomS sei haree sertifikasaun ne'e atu bele identifika loloos tanba tenke lao tuir regra ne'ebe estabelese ona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter